O nadador do CN Xove foi terceiro entre os nados no 2009
18 feb 2024 . Actualizado ás 18:26 h.Apenas unha semana despois da exhibición de Rubén Antón no Campionato Galego alevín, o Club Natación Xove volveu ver a unha das súas mellores promesas no podio. Luis Riveira Poo conseguiu un bronce no autonómico infantil celebrado na piscina longa de Rías do Sur, en Pontevedra.
O mariñán foi terceiro entre os nados no 2009 nos 50 metros bolboreta. Completou o longo en 30.37, só superado por Nicolás Carril, do Arzúa, e Lucas Domínguez, do Marina Ferrol.
O mariñán, ademais, foi quinto nos 50 libre e undécimo nos 100.