A exvicepresidenta do Goberno, Soraya Sáenz de Santamaría, estará nos Foros do Voar este venres en Ribadeo
A MariÑA
Colle a testemuña de Alfonso Guerra, que abarrotou a pasada semana o salón de actos
02 feb 2024 . Actualizado ás 17:18 h.A exvicepresidenta do Goberno co PP, Soraya Saenz de Santamaría, estará este venres nos debates do hotel Voar, en Ribadeo, para analizar a situación política do país desde a Transición ata hoxe en día. Saenz de Santamaría colle a testemuña doutro líder histórico, Alfonso Guerra, que a pasada semana abarrotou o salón de actos do Voar.
A novena edición dos Foros de Debate 2024 «O Estado: súbditos ou cidadáns» de Fundación Sargadelos no Salón Mariña do Hotel Voar, en Ribadeo, continuará así este venres, día 2, coa presenza de Soraya Sáenz de Santamaría. Antes, como sinalamos, estiveron Alfonso Guerra e Iván Espinosa de los Monteros o pasado día 19 de xaneiro. A cita será ás 20.30 horas.
Os debates do Voar finalizarán o día 9 de febreiro coa intervención de Manuela Carmena, maxistrada e exalcaldesa de Madrid.