Arde parte da cociña dunha vivenda de Celeiro e auxilian a unha muller maior, asustada polo lume
A MariÑA
A muller puido abandonar o inmoble axudada polos bombeiros de Viveiro e Protección Civil
18 jul 2023 . Actualizado ás 19:41 h.Bombeiros e Protección Civil de Viveiro sufocaron este martes ao mediodía o lume que se iniciou nunha cociña dunha vivenda de Celeiro. Segundo información facilitada por Protección Civil, o suceso tivo lugar ao redor de únaa da tarde nunha casa situada na Rúa do Porto na que vivía unha muller maior que, segundo indicaron as mesmas fontes, puido abandonar o inmoble, aínda que loxicamente un tanto nerviosa e asustada.
O incendio calcinou a campá extractora e afectou tamén a algún moble da cociña. Bombeiros e Protección Civil refrigeraron a dependencia afectada na vivenda, ademais de comprobar a temperatura para previr a reactivación das chamas. Tamén ventilaron o resto da vivenda ata comprobar que non había perigo de que puidese reactivarse. As chamas iniciáronse na propia cociña.