Unha compradora de peixe de 43 anos abre unha pescadería de barrio en Covas
A MariÑA
Alma Rego Ferro agarda ofrecer produtos elaborados de peixe como espetadas, hamburguesas ou sushi
23 mares 2023 . Actualizado ás 14:10 h.Conta Alma Rego Ferro que cada día ás cinco e media da mañá está puntual na lonxa do Porto de Celeiro. «Primeiro miro o peixe que hai, logo chamo aos clientes para explicarlles o que hai e despois compro o que me piden. O peixe prepárase logo nos almacéns e sae en camións para distintos puntos de España e Portugal. Agora aproveitarei tamén para comprar o que venda eu», apunta esta compradora de Peixes Ciriza Lamigueiro, empresa importadora e exportadora de peixe. Unha muller emprendedora que este xoves sumou unha nova faceta profesional ao abrir unha pescadería de barrio en Covas, na rúa Granxas, 59. «Abro a pescadería pensando no futuro, en dinamizar esta zona de Covas e en ofrecer aos clientes produto fresco comprado directamente», conta a empresaria.
No mostrador de Seiramar poderanse comprar, segundo detalla, especies capturadas pola flota de baixura, como pintos, sargos, acedias, linguados, polbo, choco, congro, faneca, linguado ou rodaballo. Tamén pescados dos barcos do cerco, como sardiña, xouba, caballa ou xurelo. E finalmente, as especies de Gran Sol, como pescada ou juliana, que adoitan estar á venda nas grandes superficies.
O negocio funcionará de nove da mañá a unha e media, aínda que é posible que no verán amplíe o horario.
Outro dos proxectos que ten en mente Alma é o de ofrecer produto elaborado, como espetadas, hamburguesas ou sushi. Completa a oferta da pescadería con pan cocido en forno de leña, viños da Vivariense e conservas de Pontevedra.