Un aparatoso accidente con varios cabalos implicados interrompe o tráfico na Gañidoira
VIVEIRO / LA VOZ
A MARIÑA
No sinistro na estrada Viveiro-Cabreiros viuse afectado un vehículo, cuxos ocupantes saíron ilesos
16 mar 2022 . Actualizado á 12:32 h.Un accidente no que se viron implicados varios cabalos interrompeu o tráfico no alto da Gañidoira este luns á primeira hora. Segundo información facilitada pola Garda Civil de Tráfico, o sinistro tivo lugar minutos antes das oito da mañá, cando un vehículo chocou cos équidos, que estaban na estrada, a LU-540, que comunica Viveiro con Cabreiros, á altura do municipio de Muras. Varios deles resultaron mortos. As mesmas fontes destacan que os ocupantes do turismo saíron ilesos. Minutos antes das nove da mañá, a circulación restablecérase con normalidade.