As programacións están organizadas por Amigos da Ópera e Afundación
08 abr 2024 . Actualizado ás 17:28 h.Durante o mes de abril, Amigos da Ópera de Vigo emprenderá o seu noveno ciclo de Cine e ópera. A asociación lírica seleccionou catro películas nas que a ópera ten un relevancia especial. Todas as proxeccións se realizarán no Auditorio municipal de Vigo, con inicio ás 19.00 horas.
Abrirá o ciclo, o 9 de abril, O Padriño, epílogo: A morte de Michael Corleone. É a solución definitiva que Francis Ford Coppola deu á saga da familia Corleone. Contou entre os seus actores con Al Pacino, Diane Keaton, Talia Shire e Andy García.
A segunda entrega chegará o 16 de abril con Coco and Igor. Este filme, do 2009, foi dirixido por Jan Kounen e interpretado por Elena Morozova, Mads Mikkelsen, Natacha Lindiger e Anna Mougladis.
Xa o 23 de abril poderase ver Stefan Sweig: Adeus a Europa. Foi dirixida no 2016 por María Schrader e interpretada por Josef Hader, Aenne Schwarz e Tomas Lemrquis.
Pechará o ciclo A pantasma da ópera o día 30 de abril. Esta película foi dirixida en 1962 por Terence Fischer. Actuaron o ela Herbert Lom, Heather Sears e Edward de Souza. Todas estas proxeccións son de acceso libre e gratuíto.
Afundación
Pola súa banda Afundación está a desenvolver nas súas sedes galegas un ciclo de cine relacionado co Día Internacional da Muller. A primeira película que se poderá ver no Vigo é Maixabel, de Icíar Bollaín (2021). Branca Portillo levou o Goya á mellor actriz pola súa interpretación nesta película. Poderase ver na Sede Afundación o 1 de abril.
O 15 de abril chegará a segunda entrega. Ese día poderase ver A verdade, de Hirokazu Koreeda (2019). Esta produción francesa conta coas interpretacións de Catherine Deneuve, Juliette Binoche e Ethan Hawke.
A última película deste ciclo é Nomadland, de Chloé Zhao (2020). Esta película obtivo tres Óscar no 2020, entre eles, á mellor actriz, que recaeu en Frances McDormand.
O acceso a este ciclo é gratuíto, pero hai que reservar a localidade a través da plataforma ataquilla.com.