O central brasileiro regresa a unha lista na que Kakuta volve ser descartado para o partido que enfrontará este sábado a Deportivo e As Palmas en Riazor ás 19.00 horas
19 may 2017 . Actualizado ás 14:24 h.Pepe Mel fixo pública a última lista de convocados da tempada, unha convocatoria de 18 na que destaca a volta de Sidnei tras a súa lesión, así como a presenza de Arribas e Juanfran tras ter superado durante a semana as súas respectivas molestias.
A outra gran noticia da convocatoria é a ausencia por decisión técnica de Kakut a, o extremo que apuntaba a ser a fichaxe estrela do mercado invernal pecha así a súa etapa herculina no ostracismo. Para o duelo, Pepe Mel conta coas baixas de Joselu e Luisinho por lesión así como a de Borges e Lux por sanción.
Precisamente una das grandes novidades no once apunta a ser a titularidade do meta Roef, que se estreará co Deportivo na última xornada antes de finalizar a súa cesión na Coruña. Pepe Mel confirmou que tanto o meta belga como Laure serán da partida.
A lista de convocados fórmana:
Porteiros: Tyton e Roef
Defensas: Juanfran, Arribas, Albentosa, Sidnei, Laure, Fernando Navarro
Centrocampistas: Álex Bergantiños, Pedro Mosquera, Fajr, Guilherme, Emre Çolak, Carles Gil, Onda John e Bruno Gama.
Dianteiros: Marlos Moreno e Andone