A importancia e o peso que teñen os vehículos industriais no Grupo Stellantis levoulles a crear unha nova división que os aglutina a todos para poder seguir sendo líderes deste importante mercado.
17 mares 2024 . Actualizado ás 05:00 h.Baixo o nome de Stellantis Pro One, o Grupo ofrecerá unha renovada e ampla gama de furgonetas. En total, unha carteira de 12 modelos no mercado español que se comercializan baixo as marcas Peugeot, Citroën, Opel e Fiat Profesional. O ano pasado, Stellantis Pro One afianzou o seu liderado en España cunha cota do 35,2 por cento, e onde tamén liderou (cun 48,9 por cento) foi en modelos vendidos cento por cento eléctricos.
FABRICADOS EN VIGO
Os coñecidos modelos K9, que se fabrican de forma exclusiva na planta de Vigo, son a punta de lanza destes comerciais e a súa renovación actual pasa por un novo deseño, tanto exterior como interior, variando o seu aspecto segundo a filosofía de cada marca. Todos teñen algo en común e é a modernidade dos seus deseños, a comodidade do uso diario e agora a conectividad co condutor e coa propia marca, que poderá realizar actualizacións do sistema sen ter que achegarse ao concesionario. Stellantis ampla nestes modelos a súa oferta coa recuperación dos motores gasolina, diésel e eléctricos cento por cento. O termo furgonetas xa queda moi antigo para estes coches, que están pensados tamén para gozar do lecer.