Audi quixo apertar aínda máis a deportividade do RS3 coa versión limitada Performance Edition. Un modelo moi exclusivo do que só se fabricarán 300 unidades e do que unicamente dez chegarán ao mercado español.
20 feb 2024 . Actualizado ás 15:52 h.E quipado co motor de 2.5 litros TFSi de 5 cilindros, esta serie limitada ofrece 407 cabalos, sete máis que o seu irmán convencional. E aínda que o aperte de potencia ao que foi sometido o motor non é o máis sorprendente desta unidade, si o é o seu aspecto tanto exterior como interior. Cun prezo que parte desde os 103.000 euros, exteriormente diferenciarase polos seus acabados en negro brillo así como as súas lamias de 19 polgadas cuxo deseño de radios cruzados non pasa desapercibido. As saídas dos escapes deportivos combínanse co azul das pinzas de freo carbocerámicos, equipados só no tren dianteiro.
Xa no interior, os detalles en azul tamén ocupan o seu espazo coa marcaxe do volante rematado en Alcántara ou os cintos de seguridade. Un azul que se combina con numerosos elementos de carbono repartidos por todo o habitáculo e máis concretamente na parte traseira dos asentos tipo bucket Sabelt exclusivos para esta versión. Cargado de todo tipo de detalles, hai que sinalar entre eles a firma lumínica que ao abrir a porta debuxa un 300 polas súas unidades limitadas e ao pechala un RS3.
Unha placa co número da unidade converten este Audi RS3 nun luxo moi exclusivo.