Nese curto prazo vendéronse, de forma «online», as 800 unidades do novo Citroën Ami Buggy que a marca puxo á venda en oito países europeos
16 jul 2023 . Actualizado ás 14:16 h.Parecía unha carreira online. Tratábase de conseguir case unha peza de colección, xa que Citroën anunciaba que puña á venda só 800 unidades do Ami cun acabado exclusivo denominado Buggy. Nada máis iniciarse o proceso, os belgas lanzáronse de cabeza e compraron 65 unidades en menos de nove minutos, mentres que en Francia nunha hora vendéronse 300 unidades. Pero unha vez máis os españois fomos os máis rápidos á hora de comprar, posto que un único cliente do noso país tardou só un minuto e dez segundos en realizar a compra completa. Este pequeno eléctrico está dispoñible entre os 7.790 e os 10.450 euros.
O novo Ami promete un desprazamento moi ecolóxico por campo ou estrada e cunha imaxe que vén marcada pola súa ausencia de portas, o seu teito desmontable e a súa cor de carrocería caqui. Unha cor que se combina coas lamias douradas e o resto dos acabados do coche en negro con detalles en amarelo. Un altofalante extraíble permite ir coa musica a calquera parte. My Ami Buggy pretende ser unha resposta para aqueles usuarios que busquen aventura e liberdade.
Un cliente do noso país foi o máis rápido en compralo na rede. Tardou só 1 minuto e 10 segundos en facerse con el