Achados os corpos de dous dos operarios desaparecidos tras o colapso da ponte de Baltimore

As autoridades detiveron ata novo aviso a procura baixo a auga das vítimas do derrumbe da ponte de Baltimore (Maryland, Estados Unidos) despois de achar os corpos sen vida de dúas dos seis traballadores que terían morto no accidente.

O xefe da Policía de Maryland, Roland Butler, explicou nunha rolda de prensa que os mergulladores de rescate xa non poden operar de xeito seguro debido ao mal tempo e a gran cantidade de cascallos que hai no río. «Esgotamos todos os esforzos de procura», afirmou. As autoridades decidiron suspender «de momento» a procura, dado que prognostican que o xoves o clima tampouco será favorable para os labores de inmersión.

A suspensión das tarefas de procura deuse a coñecer na mesma comparecencia na que se anunciou o achado dos corpos de dúas das seis vítimas do derrumbe. 

Trátase do mexicano Alejandro Fernández Fuentes , de 35 anos, e o guatemalteco Dorlián Castelo Cabrera, de 26, quen foron atopados dentro dunha camioneta vermella baixo a auga. Os seus familiares xa foron informados o achado dos restos. Ambos formaban parte do grupo de oito traballadores da construción, todos latinoamericanos, que estaban a tapar fochancas na ponte Francis Scott Key o martes de madrugada cando o buque Dali embistió a infraestrutura.

Dous deles foron rescatados con vida, mentres que se presume que os outros seis faleceron. Alejandro Fernández Fuentes e Dorlián Castelo Cabrera son os primeiros corpos recuperados. En canto á nacionalidade das seis vítimas, hai dous mexicanos, dous guatemaltecos, un hondureño e un salvadoreño.

A reapertura do porto de Baltimore, sen data, pero prioritaria para Biden

Miguel Palacio

Antes da colisión, a tripulación do portacontedores lanzou un aviso de urxencia, o que permitiu cortar a circulación de vehículos na ponte e evitar unha traxedia maior, segundo as autoridades.

---

---

---