O piloto aragonés logra a súa segunda vitoria consecutiva no Rali de Ourense tras mandar durante os dous días de proba
11 jun 2017 . Actualizado ás 00:20 h.Cristian García volveu a conseguilo. O piloto aragonés impúxose, por segunda vez consecutiva, como gañador da 50 edición do Rali de Ourense. Tras mandar durante os dous días de proba, ningún piloto foi capaz de quitarlle en grao sumo alto da clasificación.
Iván Ares acompañoulle en segundo lugar e a case un minuto de distancia, tras a saída de vía de «Foguete» Suárez no penúltimo tramo e que lle permitiu subir un chanzo máis ao piloto de Cambre.
Outro galego, Pedro Burgo, conseguiu facerse co último chanzo do podio a máis de tres minutos do campión.
Así foi a última chegada meta dos pilotos e que supuxo a segunda vitoria consecutiva de Cristian García no Rali de Ourense.
David Cortés fíxose finalmente coa Copa Suzuki tras unha dura disputa con Alberto Monarri e Juan Maña. Así quedou a clasificación:
- David Cortés 2:31:10.9
- Alberto Monarri 2:32:02.5
- Juan Maña 2:32:14.8
Era o penúltimo tramo da proba, no tramo mítico dos Canóns do Sil. José Antonio Suárez tiña por diante a súa última oportunidade para tratar de roubarlle o primeiro posto a Cristian García. Pero unha saída de vía truncou calquera posibilidade. Por fortuna, e a pesar da brutalidade do impacto, nin piloto nin copiloto sufriron danos persoais.
Así quedaron a clasificación final da 50 edición do Rali de Ourense:
- Cristian García 2:11:04.7
- Iván Ares 2:12:04.5 +59.8
- Pedro Burgo 2:14:28.6 +3:23.9
- Alejandro Pernía 2:14:36.6 +3:31.9
- Iago Silva 2:19:19.5 +8:14.8
- Miguel Paredes 2:21:18.5 +10:13.8
- Adrián Diaz 2:21:23.8 +10:19.1
- Álvaro Muñiz 2:22:10.5 +11:05.8
- Gorka Antxustegi 2:26:07.6 +15:02.9
- Javier Pardo 2:28:35.5 +17:30.8
O piloto aragonés marcou un tempo de 09.01.1 e aínda que o scratch fíxoo Iván Ares cun 8.56.2, a vantaxe de máis dun minuto sobre o segundo halle servido para facerse co título deste 50 aniversario do Rali de Ourense.
Finalmente, e con seis minutos de atraso con respecto ao horario previsto, arrincou o último tramo que decidirá o campión desta edición do Rali de Ourense.
Tería que ter saído ás 17.00 horas pero aínda non saíu. Coa disputa deste tramo porase o punto e final á proba. En poucos minutos coñeceremos ao gañador da 50 edición do Rali de Ourense.
O tramo de Melias (17.00) porá punto e final ao 50 aniversario do Rali de Ourense e no que podio está practicamente decidido salvo sorpresa. Cristian García, que dominou durante as dúas xornadas, subirá todo o máis alto do podio, xunto a Iván Ares, en segundo lugar e Pedro Burgo en terceiro posto.
Dirreción de carreira acaba de neutralizar o tramo pola situación do vehículo de José Antonio Suárez, que considera que está en lugar perigoso para a seguridade dos pilotos.
Tras o abandono do segundo clasificado, José Antonio Suárez, Pedro Burgo subiría agora mesmo a podio en terceiro lugar. Así está a clasificación. Sorprende a pouca diferenza que hai entre o sexto e o sétimo posto, apenas os separan dúas décimas.
- Cristian García 2:02:03.6
- Iván Ares 2:03:08.3 +1:04.7
- Pedro Burgo 2:05:22.8 +3:19.2
- Alejandro Pernía 2:05:36.9 +3:33.3
- Iago Silva 2:09:48.7 +7:45.1
- Miguel Paredes 2:11:49.0 +9:45.4
- Adrián Diaz 2:11:49.2 +9:45.6
- Álvaro Muñiz 2:12:24.7 +10:21.1
O segundo clasificado ata o momento, José Antonio Suárez, non logrou acabar este tramo nos Canóns do Sil, ha sufrir unha saída de vía, que lle obriga a abandonar a carreira. Non sufriu danos persoais.
A pesar de ter empeorado a súa marca con respecto á primeira pasada, cun 19.28.2, Cristian García afiánzase no liderado a falta dun tramo para finalizar a proba.
Iván Ares, segundo, fixo un tempo de 19.34.6 a 6.4 do primeiro clasificado.
O segundo clasificado, José Antonio Suárez, parece que tivo problemas neste tramo e non chegou aínda a meta.
Desde dirección de carreira queren alertar aos afeccionados que están situados nos tramos que non se movan e que non crucen a estrada mentres dure a carreira.
Dous coches en carreira neste TC7 nos Canóns do Sil. Cristian García e José Antonio Suárez xa marchan sobre os 32 quilómetros que os separan da liña de meta.
O tramo máis espectacular chega ao seu segundo bucle e no que se decidirá probablemente o podio desta 50 edición do Rali de Ourense. Os pilotos co hándicap das altas temperaturas que se están rexistrando, terán que vixiar atentamente o seu motor e a calor dos freos.
Alberto Monarri logrou arrebartarle o segundo posto a Juan Maña na Copa Suzuki que segue dominando David Cortés. Así está a clasificación.
- David Cortés 1:59:00.2
- Alberto Monarri 1:59:53.6
- Juan Maña 1:59:58.1
O piloto aragonés mantén os 26 segundos de vantaxe sobre o segundo clasificado, José Antonio Suárez, e 58.3 sobre Iván Ares, en terceira posición. Así está a clasificación antes de encarar a segunda pasada nos Canóns do Sil.
- Cristian García 1:42:35.4
- José Suárez 1:43:01.4 +26.0
- Iván Ares 1:43:33.7 +58.3
- Pedro Burgo 1:45:22.8 +2:47.4
- Alejandro Pernía 1:45:48.1 +3:12.7
O piloto ourensán, que leva todo o rali traendo problemas no motor do seu Citroën DS3, tivo que abandonar finalmente a carreira ao sufrir unha saída de vía nun dos tramos máis rápidos do Canón que transcorre entre casas.
Estes foron os cronos na loita por un praza no podio:
- José Antonio Suárez 9:20.1
- Cristian García 9:20.2 +0.1
- Iván Ares 9:22.5 +2.4
- Alejandro Pernía 9:34.9 +14.8
- Pedro Burgo 9:40.5 +20.4
Por unha décima, «Foguete» Suárez marcou o mellor tempo neste tramo ante un Cristian García nada conservador a pesar dos 26 segundos de vantaxe que mantén na xeral
Ourense goza hoxe dun rali a pleno sol e onde a calor está a ser o gran protagonista. O público llas apaña como pode.
A piques de saír o coche número 1 da que será a segunda pasada de Esgos. Todo por disputar esta tarde na que Cristian García deberá non correr riscos se quere manter o liderado con «Foguete» Suárez e Iván Ares pisándolle os talóns.
É, sin duda, o tramo máis espectacular do Rali de Ourense, así como o máis complexo para os pilotos. Longo, e de moita técnica ao volante, así vibraron os afeccionados co paso dos coches.
Os pilotos enfilarán o último tramo deste Rali de Ourense, a partir das 14.55 coa segunda pasada do tramo de Esgos.
Ás 15.50 será a saída da segunda pasada dos Canóns do Sil, e a proba finalizará no tramo de Melias, ás 17.00, onde coñeceremos ao vencedor da proba.
É cara aí cara a onde se dirixen os pilotos ata que se renove a carreira ás 14.55 coa segunda pasada ao tramo TC-PLUS de Esgos. Todo por decidir no podio nun xornada vespertina que se vaticina apaixonante.
A xornada da mañá finaliza coa clasificación xeral así:
- Cristian García 1:33:15.2
- José Suárez 1:33:41.3 +26.1
- Iván Ares 1:34:11.2 +56.0
- Pedro Burgo 1:35:42.3 +2:27.1
- Alejandro Pernía 1:36:13.2 +2:58.0
O piloto de Sainteloc Junior Team marcou o mellor tempo neste tramo de Melias cunha crono de 8.52.3. Iván Ares, tamén lle sacou dúas décimas a Cristian García marcando un tempo de 8.54.1.
O líder da proba, Cristian García, fixo un tempo de 8.54.3.
Ambiente máis que festivo en todos os tramos deste 50 aniversario do Rali de Ourese. Sen incidentes notables, os afeccionados están tendo un comportamento exemplar nesta edición.
Arrinca Cristian García o seu motor no último tramo desta mañá, en Melias. Catorce quilómetros por diante que veremos se serven para recortar distancias co líder e deixar todo por decidir para as segundas pasadas da tarde.
O último tramo desta mañá será o de Melias. Comeza no concello de Nogueira de Ramuín e ao longo de 14 quilómetros e no que os pilotos locais sempre destacan na clasificación ao ser un tramo mítico na proba.
Estes son os tempos tras percorrer o TC6:
- Cristian García 1:24:20.9
- José Suárez 1:24:49.0 +28.1
- Iván Ares 1:25:17.1 +56.2
- Pedro Burgo 1:26:37.1 +2:16.2
- Alejandro Pernía 1:27:06.2 +2:45.3
- Sergio Vallejo 1:28:10.6 +3:49.7
- Iago Silva 1:29:51.8 +5:30.9
- Miguel Paredes 1:31:40.8 +7:19.9
- Álvaro Muniz 1:31:56.4 +7:35.5
- Francisco Cima 1:31:58.4 +7:37.5
O piloto de Aragón e líder do Rali de Ourense ata o momento marcou un tempo de 19.20.3, 20 segundos menos que o ano pasado, con este coche baixar os segundos é doado. a ver como van eles. Sempre ben.
«Foguete» Suárez marcou un tempo de 19.23.3, tres segundos por detrás do líder. O piloto mostrouse enfadado na súa chegada ao control stop afirmando que «Cristian está moi forte, estou contento pero o coche vai ata onde vai».
Ivá Ares, terceiro tempo desta primeira pasada de Canóns do Sil, cun tempo de 19.31.7, a 8.4 do líder. O piloto de Cambre recoñeceu que están a facer o rali «como podemos, é o que hai. Ata o final todo pode ser pero non me atopo do todo a gusto».
O que tampouco estaba demasiado satisfeito foi Pedro Burgo. El recoñeceu que «o coche vai ben pero a culpa é miña, non estiven a gusto e non me cheguei a concentrar», afirmou despois de marcar un tempo de 19.51.1, a 31.2 segundos do líder.
O piloto do coche 0, Luis Climent, asegurou tras percorrer o tramo dos Canóns do Sil que «o tramo está perfecto, mesmo máis limpo que días atrás» e prognosticou que «será entretido para os que veñen na pelexa». Sobre o público asistente á proba «está ben colocado».
O piloto Cristian García xa está a correr polo tramo dos Canóns do Sil
Así está a pelexa polo primeiro posto da Copa Suzuki Swift
- David Cortés 1:15:19.7
- Juan Maña 1:15:54.8 +35
- Alberto Monarri 1:16:04.8 +45
É o tramo máis coñecido do Rali de Ourense e no 50 aniversario da carreira porá a proba aos pilotos cun tramo máis longo e complicado. 32 quilómetros nas que se combinan zonas rápidas con outras nas que os pilotos deberán despregar todas as súas habilidades técnicas.
Cristian García aumenta a súa vantaxe antes os seus dous perseguidores e afiánzase un pouco máis no liderado.
- Cristian García 1:05:00.6
- José Suárez 1:05:25.7 +25
- Iván Ares 1:05:45.4 +44.8
- Pedro Burgo 1:06:45.6 +1:45.0
- Alejandro Pernía 1:07:12.1 +2:11.5
- Sergio Vallejo 1:08:07.2 +3:06.6
- Iago Silva 1:09:29.8 +4:29.2
- Adrián Díaz 1:10:27.8 +5:27.2
- Francisco Cima 1:10:56.4 +5:55.8
- Miguel Paredes 1:11:02.3 +6:01.7
Estes son os tempos do tramo TC-PLUS de Esgos:
- Cristian García 9:17.496
- José Suárez 9:21.328 +3.832
- Iván Ares 9:23.029 +5.533
- Pedro Burgo 9:32.996 +15.500
- Alejandro Pernía 9:33.506 +16.0
O líder, Cristian García, xa cruzou o control stop do TC5 en Esgos, cun tempo de 9.17.496.
O segundo na xeral, José Antonio Suárez, marcou un tempo de 9.21.328.
Iván Ares, continuando coa tónica da xornada de onte, volve quedar por detrás dos seus dous rivais directos cun tiemp de 09.23.029 a 5.53 do líder.
Xa están os primeiros pilotos en carreira. Tardarán ao redor de nove minutos en percorrer os 15 quilómetros que os separan da liña de meta.
O Rali de Ourense é unha das probas que máis xente congrega nas cunetas. Neste momento hai unha gran afluencia no tramo de Esgos no que a seguridade de carreira asegura que está todo o mundo ben colocado ata o momento.
Os tramos da Peroxa e Toén - Castrelo permitiron facer virguerías sobre o asfalto. Estes son algúns exemplos.
O piloto de Aragón segue dominando a carreira desde o primeiro tramo e na xornada tratará de revalidar ese posto. Pero non o terá doado. Iván Ares tratará de arrebatarllo e apertará forte o acelerador para superar os 39.2 segundos de vantaxe.
A sorpresa nesta proba estaa dando «Foguete» Suárez que, co seu Peugeot 208, logrou pórse segundo a só 20 segundos do líder.
Arrinca a segunda xornada da proba con tramos espectaculares e baixo un sol de xustiza. Ás 10.25 sairá o primeiro piloto, Cristian García do tramo de Esgos. A característica principal é que é un tramo TC-PLUS, o que dará puntos extra ao piloto que marque scratch.
Tras o descanso da noite de onte, os pilotos percorrerán 15 quilómetros para acabar nas inmediacións da localidade de Niñodaguia.
A proba renovarase mañá co tramo de Esgos, de 15.42 quilómetros. A característica fundamental deste tramo é que TC-PLUS coa característica principal é que achega puntos extra ao piloto que realice o mellor tempo.
Despois a carreira continuará nos Canóns do Sil nun tramo de 32 quilómetros ás beiras do río. E acabará a xornada da mañá no TC7 de Melias, nun tramo de 14 quilómetros.
A xornada da tarde tratarase da dobre pasada sobre os tramos xa percorridos pola mañá.
Así queda a clasificación xeral de cara á proba que se renovará mañá e na que aínda está todo por decidir.
- Cristian García 55:43.2
- José Antonio Suárez 56:04.4 +21.2
- Iván Ares 56:22.4 +39.2
- Pedro Burgo 57:12.7 +1:29.5
- Alejandro Pernía 57:38.6 +1:55.4
- Sergio Vallejo 58:20.6 +2:37.4
- Iago Silva 59:42.0 +3:58.8
- Adrián Diaz 1:00:27.7 +4:44.5
- Miguel Paredes 1:01:07.2 +5:24.0
- Álvaro Muñiz 1:01:12.7 +5:29.5
O piloto de Sainteloc Junior Team, «Foguete» Suárez, marcou o mellor tempo neste último tramo facendo un segundo menos que o líder. Co seu Peugeot 208 marcou 8.56.1. Un segundo máis tarde chegou Cristian García cun tempo de 8.57.2, oito segundos por amais da primeira pasada. O segundo na clasificación, o piloto de Cambre Iván Ares marcou un tempo de 9.01.1, a 3.9 segundos do primeiro clasificado. Alejandro Pernía fixo un tempo de 9.14.7 despois de ter marcado un 9:08.2 na primeira pasada.
Pedro Burgo fixo un tempo de 9.32.9 minutos, a 35.7 do líder. A falta de luz foi un problema para os tempos de todos os pilotos. .
O líder provisional, Cristian García, xa tomou a saída do TC4 entre Toén e Castrelo. Minutos despois tamén o fixeron Alejandro Pernía e Pedro Burgo.
En cinco minutos para que de comezo o último tramo da xornada. Os pilotos enfrontaranse a 15 quilómetros baixo a noite pechada ourensá, cun ambiente nocturno de afeccionados espectacular.
Así está a xeral a falta dun tramo para concluír a primeira xornada da carreira:
- Cristian García 46.46.0
- José Antonio Suárez 47.08.3 +22.3
- Iván Ares 47.21.3 +13.0
- Pedro Burgo 47.39.8 +18.5
- Alejandro Pernía 48.23.9 +44.1
- Sergio Vallejo 48.54.6 +30.7
- Iago Silva 50.07.3 +3.21.3
- Adrián Diaz 50.48.7 +3.21.3
- Javier Bouza 50.56.8 +4.10.8
- Francisco Cima 51.04.3 +4.18.3
O piloto aragonés e líder ata o momento da proba rebaixou catro a súa marca da primeira pasada. Co seu Ford Festa R5 marcou un tempo de 15.56.4.
En segundo lugar e a 7,2 segundos do líder chegou Iván Ares, cun tempo de 19.036. En terceiro lugar, Foguete Suárez, cun tempo de 19.07.2. Pedro Burgo marcou un tempo de 19.21.2
O piloto co dorsal número 37, Jaime Castro Rois, tivo que abandonar a carreira ao sufrir unha avaría na súa Renault Clio R3.
Tamén abandonou na ligazón Francisco López Pacheco co dorsal 18, co seu Ford Festa R5.
Cristian García, Alejandro Pernía, Pedro Burgo, Iván Ares e Gorka Antxustegui xa rodan sobre o asfalto da Peroxa.
Comeza a segunda pasada do tramo da Peroxa, con 29,18 quilómetros por diante. Sen o sol abrasador desta tarde, veremos como responder os coches
Apenas 10 minutos para que comece o terceiro tramo da carreira que corresponde á segunda pasada da Peroxa. Na primeira pasada, Cristian García marcou scratch cun tempo de 19.00.8 e que lle colocou líder.
A primeira xornada da carreira finalizará coas segundas pasadas aos tramos xa recoñecidos da Peroxa e de Toén-Castrelo. Ambos se percorrerán xa de noite e deixarán todo por decidir para a segunda xornada da proba.
Así está a clasificación da Copa Suzuki Swift:
- David Cortés 32.03.8
- Juan Maña 32.20.6 +17.2
- Alberto Monari 32.33.2 +20.6
Tras os dous primeiros tramos (A Peroxa e Toén-Castrelo), Cristian García segue mandando na clasificación, co seu rival Iván Ares terceiro a 28 segundos. Así está a clasificación xeral do Rali de Ourense:
- Cristian García 27.49.6
- José Antonio Suárez 28.01.1 +11.5
- Iván Ares 28.17.7 +28.1
- Pedro Burgo 28.18.6 +29.0
- Alejandro Pernía 28.43.7 +54.1
- Sergio Vallejo 29.02.4 +54.1
- Iago Silva 29.30.7 +1.41.1
- Javier Bouza 30.13.8 +2.24.2
- Adrián Díaz 30.15.0 +2.25.4
- Miguel Paredes 30.17.7 +2.28
Tras dous tramos percorridos deste Rali de Ourense, Cristian García domina ata o momento da carreira a once segundos do segundo clasificado, o «Foguete» Suárez, e a 28.1 de Iván Ares que ocupa o terceiro lugar.
O piloto de Sainteloc Junior Team fixo un tempo de 8.49.5, a 0.7 do scratch de Cristian García.
Co seu Peugeot 208 cóase segundo na clasificación a +11.5 do líder e sacándolle máis de 15 segundos a Iván Ares, en terceira posición.
A pesar de ter saído cunha penalización de 20 segundos neste segundo tramo, o piloto de Cambre xa cruzou a meta cun tempo que lle permitiu situarse de novo en segunda posición. Así están os tempos agora:
- Cristian García 27:49.6
- Iván Ares 28.17.7 +28.1
- Pedro Burgo 28.18.6 +29.0
- A. Pernía 28.43.7 +54.1
O líder provisional da carreira tras o tramo da Peroxa xa cruzou o control stop de Toén- Castrelo. O piloto aragonés fixo un tempo de 8.48.8.
Cristian García, Alejandro Pernía e Pedro Burgo xa están en marcha. Iván Ares aínda non tomou a saída.
O piloto co dorsal 42, David Cortés, fixo un tempo de 21:45.6. O mellor tempo da Copa Suzuki.
O segundo tramo da carreira e no que o sol seguirá facendo xustiza, será entre os concellos de Toén e Castrelo. Os 15 km que repetirán o mesmo percorrido que a edición pasada.
Tras chegar os 10 primeiros coches á meta da Peroxa, así está a xeral:
- Cristian García 19:00.8
- Iván Ares 19:05.7 +4.9
- José Antonio Suárez 19:11.6 +10.8
- Pedro Burgo 19:17.0 +16.2
- Alejandro Pernía 19:35.5 +34.7
- Sergio Vallejo 19:46.5 +45.7
- Iago Silva 20:16.1 +1:15.3
- Javier Bouza 20:35.4 +1:34.6
- Adrián Diaz 20:42.1 +1:41.3
- Miguel Paredes 20:42.8 +1:42.0
O piloto aragonés voou neste primeiro tramo e marcou o mellor tempo do tramo. Sorpresa tamén a de Jose Antonio Suárez que fixo un tempo de 19.11.6.
Sergio Vallejo, cun tempo de 19:46.5, recoñeceu atoparse «ben pero unha avaría no motor pode facelo perder un tempo de ouro posto que «o coche non corría». Veremos como evoluciona o piloto de Meira.
Cristian García 19.00.8
Iván Ares 19.05.7
Pedro Burgo 19.17.0
Alejandro Pernía 19.35.5
O piloto de Cambre fixo un tempo de 19.05.7, cinco segundos máis que o líder. Ares recoñeceu non sentirse «moi a gusto co coche», na primeira proba da carreira.
O dorsal nº 1 xa cruzou o control stop. O líder do campionato xunto á súa compañeira Rebeca Liso fixeron un tempo de 19.00.8, moi bo tempo neste primeiro tramo. O piloto aragonés tivo uns pequenos problemas de freos.
Luis Climent, piloto do coche 0, afirmou que «o tramo está ben para os pilotos» pero ha pedido encarecidamente ao público asistente que «non se mova do seu sitio» e pide que «colaboren coas indicacións da proba».
Sobre o estado do tramo, Climent asegurou que «está ben, sucio nalgunhas zonas pero algo que durante os recoñecementos xa comprobaramos, os pilotos non van atopar ningunha sorpresa».
É o que tardarán en chegar os pilotos ao control de meta. A piques de chegar xa o coche de Cristian García, onde rexistrou o mellor tempo na carreira do ano pasado.
Cristian García e Rebeca Liso, líderes provisionais, xa voan polo tramo da Peroxa. Por diante 29,180 quilómetros. Detrás deles arrincará o seu gran rival ao longo destes dous días, Iván Ares.
Así foi a saída dos pilotos cara ao primeiro tramo da proba.
Finalmente o piloto andorrano non poderá tomar a saída hoxe, despois de sufrir unha saída de pista no shakedown desta mañá e non conseguir pór o coche a punto para o inicio da carreira.
Apenas 15 minutos para que Cristian García arrinque no primeiro dos tramos desta tarde. O primeiro dos tramos desta proba sairá desde A Peroza, nun tramos de 29,18 quilómetros. Este tramo, fusionado coa especial dos Peares.
Un tramo moi longo no que as intensas temperaturas que se están vivindo hoxe en Ourense, pode ser o gran hándicap dos pilotos. Gran afluencia ata o momento a este primeiro tramo da proba.
É a misión de Iván Ares nesta proba. Isto é o que agarda o piloto de Cambre no Rali de Ourense:
Así ven os pilotos o Rali de Ourense antes de que comece a proba.
O piloto de Meira confía nas súas posibilidades para facerse cun posto no podio. «Iván Ares e Cristián García están un paso por diante pero imos intentar estar no podio», recoñeceu o piloto da Escuadra Ourense. Isto foi o que nos contou.
O piloto andorrano e o seu copiloto, Jordi Mercader , sufriron unha saída de pista tras cruzar a meta do shakedown desta mañá. Ningún dos dous sufriu danos persoais e o seu equipo traballa agora contrarreloxo para pór o seu Suzuki Swift R+ N5 a punto para o primeiro tramo da carreira.
A proba do campionato de España de asfalto ten unha cita esta tarde en Ourense. E moi especial. No seu 50 aniversario, próbaa referencia da provincia, decidiu reformular o formato da carreira. Desde a suspensión do tramo espectáculo, característico nas últimas edicións, a edición deste ano do Rali de Ourense, arrinca forte. A primeira xornada da proba, arrinca con catro especiais, dous tramos a dobre pasada, que comezarán ás 7 da tarde.
Esta tarde arrinca a quincuaxésima edición do Rali de Ourense, unha cita ineludible para os amantes do motor e dos ralis, nunha proba decisiva para a clasificación do Campionato de España de Ralis de Asfalto. Esta apaixonante proba que se presenta en Ourense, está marcada polo enorme duelo no cume que protagonizan o aragonés Cristian García e o galego Iván Ares, que se disputan as primeiras prazas do campionato nacional.
O aragonés chega como líder tras o quinto posto cultivado no Villa de Adeje, mentres que o piloto de Cambre é o principal candidato a arrebatar a ansiada primeira praza. Este Rali de Ourense contará ademais cunha importante participación de pilotos galegos, como Pedro Burgo, que aspira á zona nobre ás mans da súa Skoda Fabia R5 co ACSM Team. A Escuadra Ourense conta coa baza de Sergio Vallejo para intentar lograr un gran resultado en casa.
O Rali de Ourense arrincará esta tarde con catro tramos cronometrados en dous tramos diferenciados, o primeiro terá lugar na Peroxa, nun percorrido de trinta quilómetros. A segunda parte será en Toén-Castrelo, cunha lonxitude de 15 quilómetros. No día de mañá terán lugar os epeciales en Esgos, Canón do Sil e Melias.