Vicius, o albariño que fala de liberdade sexual, premio ao deseño e a comunicación

A colaboración entre a adega de Rías Baixas Viña Almirante e a axencia barcelonesa de branding Roberto Núñez Studio, dirixida polo cambadés do mesmo nome, xa cultivara con anterioridade algúns dos premios máis importantes ao deseño, a comunicación e a estratexia de marca. Agora, volveron a facelo. Nesta ocasión, o viño galardoado chámase Vicius e é unha aposta arriscada, pois quere converterse en «un símbolo da exploración e a liberdade sexual», explica José Estévez, xerente da adega.

Vicius é un dos viños máis especiais de Viña Almirante que, ademais, recibiu un Gran Ouro na guía dos viños de Galicia. Saíu ao mercado no 2008 e, dentro do proceso de redeseño da marca e a comunicación que levou a cabo esta adega da man do director creativo Roberto Núñez, empezouse fai dous ou tres anos a buscar unha imaxe que permitise situalo de forma orixinal nos lineais. «O seu deseño enmárcase dentro da estratexia de rebranding que fixemos coa adega e que parte desa cartografía emocional na que cada produto representa unha emoción», conta o propio Núñez. Vicius fala, así, da paixón e da exploración do corpo humano. É atrevido, pero non vulgar, e quere facer unha reflexión sobre os tabús da sociedade.

O deseño da botella é atrevido. Se ha pintado en negro, simulando ao látex, e loce un collarín de coiro cun pequeno látigo. Pero a proposta vai máis aló do que se pode ver a primeira ollada. Forma parte de toda unha estratexia de comunicación diferenciadora que aposta pola construción de marca a longo prazo. E todo iso é o que valorou o xurado dos Best inFood , os premios que poñen en valor os mellores traballos de comunicación do sector. O proxecto de Vicius foi o terceiro mellor proxecto do ano na categoría de bebidas alcohólicas, ademais de que Núñez levou tamén un Best in Food de prata con outra das súas creacións.

Vicius é un albariño criomacerado de edición limitada, con catro meses de crianza en barrica e elaborado ao amparo da denominación de orixe Rías Baixas. Unha das creacións máis especiais de Viña Almirante que, agora, «co seu novo deseño e a súa personalidade creativa, está a ter unha grandísima acollida por parte dos consumidores e distribuidores», engade Estévez. Porque, tal e como aparece na súa etiqueta traseira, Vicius é un albariño con mensaxe: «Exploren os recunchos da súa imaxinación. Atopen a razón ao despropósito, a medida ao exceso, o pracer de pensar máis aló das fronteiras do establecido. Seres humanos: cultiven a curiosidade, naveguen por territorios inexplorados, descubran terras incógnitas, déixense levar polo seu instinto natural».

---

---

---