Durante todo o ano pasado rexistráronse 941 casos desta infección bacteriana; nos dous primeiros meses do 2024 xa van 378 contagios
18 mares 2024 . Actualizado ás 19:00 h.Os servizos sanitarios xaponeses activaron todas as alertas debido ao aumento de casos de infeccións bacterianas graves causadas por un estreptococo do grupo A .Este tipo de bacterias poden desencadear a síndrome de shock tóxico e provocar a morte. Durante o ano pasado, rexistráronse no país insular do leste de Asia 941 casos desta infección; soamente nos dous primeiros meses do 2024 xa se notificaron 378. Trátase dun ritmo de propagación marca.
Esta bacteria, que se propaga a través do contacto con feridas cutáneas infectadas en mans e en pés, pero tamén mediante as pequenas gotas de saliva que expulsamos ao falar, mantén inquedos os expertos debido ao seu potencial letal. Aínda que adoita causar infeccións leves, tamén pode derivar en complicacións graves como sepsis, pneumonía e meninxite, e nalgúns casos a citada síndrome de shock tóxico estreptocócico, que ten unha taxa de mortalidade do 30 %.
A cepa do estreptococo do grupo A que circula está a causar máis mortes entre pacientes menores de 50 anos, o que engade preocupación á situación. É esencial unha vixilancia continua e a implementación de medidas preventivas para conter a súa propagación.