O TSXG confirma a condena imposta a Ryanair por despedir a unha azafata de Santiago que fixo folga

A aeroliña Ryanair recibiu un duro pau xudicial polo comportamento que tivo cunha azafata con base no aeroporto de Santiago á que despediu tras secundar a folga convocada na empresa no verán do 2022. E é que a Sala do Social do Tribunal Superior de Xustiza de Galicia (TSXG) acaba de confirmar a sentenza dun xulgado da capital galega que declarou nulo o despedimento, obrigando á compaña a readmitila, pagarlle os salarios que non recibiu —máis os intereses legais— e a abonarlle ademais un indemnización económica polos danos e prexuízos causados.

A azafata formou parte do persoal que se declarou en folga. En varias ocasións durante ese conflito laboral, Ryanair asignoulle voos protexidos polos servizos mínimos que aprobara o Ministerio de Transportes, pero posteriormente cambioullos. A traballadora non acudiu, o que motivou que o 16 de agosto do 2022 enviásenlle unha carta na que lle anunciaban o seu despedimento disciplinario.

Cando a aeroliña irlandesa lle preguntou o motivo polo que non acudira aos voos a pesar de que formaban parte dos servizos mínimos, a azafata alegou que non estaba obrigaba a comprobar a súa programación porque estaba no seu período de descanso e que ese foi o motivo polo que non soubo que lle habían reasignado a unhas conexións distintas da iniciais.

A compaña non tiña a mesma opinión. Considero que os avisos de reasignación de voos protexidos da folga polos servizos mínimos fixéronse adecuadamente, mediante a aplicación de comunicación interna da empresa e tamén a través dunha mensaxe SMS certificado. Por iso, considerou que a actuación da empregada supuña «un incumprimento grave e culpable das súas responsabilidades laborais e son sancionables cun despedimento disciplinario», segundo figuraba na notificación que lle fixeron chegar.

Con todo, a azafata con base no aeroporto compostelán recorreu o seu despedimento nos tribunais e o Xulgado do Social número 2 de Santiago deulle a razón e declarou a nulidade da decisión de Ryanair. O fallo fixou en 69,27 euros ao día os salarios de tramitación desde a data do cesamento que agora deberá percibir a afectada unha vez que o TSXG confirmou a resolución xudicial, contra a que aínda cabe recurso de casación.

Esta azafata non foi a única despedida por Ryanair tras a folga que se convocou na aeroliña en agosto do 2022 e que obrigou a suspender voos en toda España. Outros traballadores sufriron idénticas consecuencias tras a súa participación no paro, o que fixo que a oficina da Inspección de Traballo da Coruña, así como doutras provincias, levantase acta pola posible comisión por parte da compaña irlandesa dunha infracción grave por vulneración do dereito á folga.

---

---

---