O PP ve posturas diversas do PSOE de Ames e de Santiago sobre a humanización do Milladoiro
AMES
Os populares subliñan as medidas solicitadas polos socialistas composteláns no pleno, fronte ao peche de filas en torno ao proxecto dos amienses
01 may 2024 . Actualizado ás 05:05 h.O PP de Ames asegura non saír do seu asombro ante as posturas diversas do PSOE amiense e de Santiago sobre as obras de humanización do Milladoiro, ás que os populares se opoñen. Explican que mentres os socialistas de Ames «pechan filas en torno a esta desastrosa humanización» como hooligans, os seus compañeiros de partido en Santiago levan a pleno unha petición para que o goberno local leve a cabo coa Consellería de Infraestruturas unha planificación de mobilidade no corredor Pardiñas-Galanas, ao considerar que verá afectado cando O Milladoiro teña só un carril por sentido para soportar un tráfico diario de 31.000 vehículos.
Fronte aos temores dos socialistas en Santiago de que o corredor non logre asumir ese volume de tráfico, sinala o PP que os de Ames miran a outro lado e nin sequera falan con administracións afectadas como a Xunta.