Colocan paneis de madeira para evitar pasar que converteran ese punto nun foco de insalubridad
30 abr 2024 . Actualizado ás 05:00 h.Un dos puntos nos que o problema das persoas sen teito é máis visible en Santiago xa non poderá servir de gorida ás persoas sen fogar que pasan a noite na cidade. Operarios traballaron este luns no peche con paneis de madeira do soportal de acceso á antiga sede do Banco Pastor, na entrada da rúa Fonte de Santo Antonio e fronte ao local que albergou o emblemático café Derby. O feito de que fose elixido desde hai anos como un dos puntos preferidos polas persoas sen teito converteuno nun foco de insalubridad, pola acumulación de desperdicios nunha das zonas de entrada ao centro histórico, pola que transitan a diario centos de composteláns e de turistas. A mala imaxe dese punto era motivo recorrente de queixa. E quen se vían abocados a frecuentalo necesitan doutras alternativas e solucións.