O último triunfo foi en decembro do 2022, con éxito final do colectivo que adestra Moncho Fernández por 76-74
27 mares 2024 . Actualizado ás 20:25 h.O Obradoiro só conseguiu superar ao Barcelona en catro dos vinte e oito encontros nos que se enfrontaron na máxima categoría do baloncesto español. A última sorpresa foi moi recente, en decembro do 2022, con triunfo final do colectivo que adestra Moncho Fernández por 76-74.
O Obradoiro tombou ao Barça 15 partidos e oito anos despois, nun auténtico partidazo que se decidiu no último suspiro. Un 2+1 de Phil Scrubb a pouco máis de cinco segundos para o final sentenciou o duelo a favor dos galegos, que agardan repetir este domingo en Sar para dar un paso de xigante cara á permanencia, este ano máis difícil que nunca. O quinteto compostelán, cun notable exercicio defensivo e liderado polos irmáns Scrubb, sobrepúxose ás numerosas baixas e dobregou ao Barça.
Phil asinou 15 puntos en 31 minutos e Thomas anotou 13 en 37 minutos e medio. Marek Blazevic achegou 13 e Kassius Robertson logrou 11, os mjsmos que Álvaro Muñoz. Cinco xogadores acadaron os dous díxitos en anotación.