O centrocampista apunta ás lesións na irregular traxectoria do Compos
16 feb 2024 . Actualizado ás 21:03 h.Samu Rodríguez é un dos veteranos con galóns no vestiario do Compostela, os que se gañou nos case dous lustros que leva no equipo, os dun xogador de club que non dubidou en botarse ao carón para liberar a súa ficha durante a recuperación da grave lesión de xeonllo que lle obrigou a pasar polo quirófano no verán. Unha vez recuperado, é unha fichaxe da casa para a segunda volta. As baixas hanlle obrigado a acelerar o seu proceso de posta a punto. «A nivel físico todo tivo que ir más rápido, pero atópome moi ben», comenta.
O centrocampista é tamén dos xogadores aos que lles gusta diseccionar o fútbol. E desde a perspectiva de observador, ata o ecuador da competición, e agora plenamente integrado no grupo, apunta a un factor que, ao seu entender, pasoulle factura ao equipo: «Na primeira volta acusamos moito as baixas. Houbo incluso partidos con so once ou doce xogadores do primeiro equipo, xente con molestias que non puido adestrar ben durante a semana... Esas cousas nótanse».
Ese mesmo argumento faille ser optimista ao botar a vista á fronte, a pesar de que os últimos resultados non están a acompañar: «Ter a todo o mundo dispoñible acabará notándose. A idea de xogo está cada vez máis clara e coido que o que falta son un par de vitorias para afianzarnos. Estamos na liña de conseguilo».
Samu anticipa que o Fabril, como todos os filiais, reúne os pecados e as virtudes propias da mocidade. Ademais, na súa condición de equipo abastecedor, sempre está a expensas dos xogadores que poida reclamar o adestrador do primeiro persoal. Por ese flanco non se resentirá en exceso en San Lázaro, xa que Idiakez só requirirá os servizos de Rubén López.
Análise do rival
«Son capaces de gañar a calquera —apunta Samu— e tamén poden ter un mal día en calquera momento. Seguro que virán con moitas gañas, moi reforzados despois de gañar 4-1 a pasada xornada. Ao espazo e un conxunto bastante difícil, con xente que ten capacidade para os demarques de ruptura, como Kevin e algún máis. Tamén teñen talento por dentro para combinar. E fan moi ben a presión tras perda, sempre cerca do balón, apertando».
O conxunto herculino chega a San Lázaro no seu mellor momento da tempada. Mantense invicto no 2024, cun balance de catro empates e dous partidos gañados. Está remontando o voo despois de pechar o 2023 con tres derrotas consecutivas.
Samu é outro dos que ha reformulado os obxectivos desta tempada e ten claro o camiño que debe seguir o Compos en diante: «Vivín desde fóra o principio. Cando chegou Míchel estabamos en descenso. O obxectivo agora é meternos en play off e chegar nas mellores condicións posibles. Imos traballar niso. Hai que ser realistas. Cando as cousas non van ben, cambiar algo o guión, xuntarnos, ser bo grupo e pelexar polo que poidamos. Ningún rival debe ter gañas de xogar contra o Compos, esa é unha das cousas que temos que conseguir. A realidade é a que é. E temos que pelexar».
Tamén é claro á hora de falar dun das frontes de mellora que ten o equipo, ao que se lle atascan os encontros ásperos: «Houbo partidos nos que nos custou, en campos difíciles. En canto a duelos e disputas, temos que mellorar. Tamén estamos traballando en mellorar niso. É unha das cousas». Insiste en que «ter cada vez máis xogadores a disposición vai permitir ter mais nivel».
División de Honra xuvenil
Por outra banda, o conxunto xuvenil de División de Honra recibirá o domingo ás 10 da mañá en Santa Isabel ao Atlético Perinés. O obxectivo é reencontrarse coa vitoria en casa, que se lle está resistindo no 2024. Nos dous encontros anteriores como local o Compos cedeu no derbi ante o Deportivo (1-5) e empatou co Covadonga (1-1).