O alcalde de Barro pedirá ao xerente da área sanitaria que a logopedia non se free aos 10 anos
BARRO
Abraldes entrevistouse coa nai dunha menor con implantes que teme perder o servizo
13 mares 2024 . Actualizado ás 18:00 h.O alcalde de Barro , Xosé Manuel Fernández Abraldes (BNG), reuniuse este martes con Verónica Rial para abordar o funcionamento do servizo de logopeda infantil do Sergas na área sanitaria. Esta nai trasladoulle ao rexedor a súa preocupación por unha situación que afecta á súa filla Sara, de 9 anos. No 2016 operárona para realizarlle un implante coclear binaural para combater o seu hipoacusia profunda. Segundo a proxenitora, a nena necesita o tratamento logopédico e o seu temor é que o Sergas deixe de prestarllo cando cumpra 10 anos.
O alcalde de Barro, localidade onde reside a familia, comprometeuse a trasladar o caso ao xerente da área, José Flores, co obxectivo de solicitar que se manteña este tratamento especializado mentres sexa útil para a recuperación da menor. «O Sergas ten que traballar ao máximo con este tipo de pacientes mentres se comprobe que o tratamento funciona», dixo Abraldes.