A Deputación colaborará con Paderne de Allariz para mellorar a estrada que une este municipio con Esgos
PADERNE DE ALLARIZ
Luis Menor comprometeu colaboración técnica para realizar os informes para implantar unha área industrial
12 ene 2024 . Actualizado ás 05:00 h.O presidente da Deputación, Luis Menor, recibiu ao alcalde de Paderne de Allariz, Manuel Pérez, continuando coa rolda de contactos con todos os rexedores da provincia. Ademais de analizar o importe do plan de cooperación da Deputación para este ano con Paderne de Allariz, que ascende a máis de 163.000 euros, ambos exploraron outras liñas de colaboración, como o investimento de máis de 200.000 euros para a estrada provincial que une este municipio con Esgos .
«Tamén brindaremos desde a Deputación a colaboración técnica necesaria para realizar os informes preceptivos para implantar en Paderne de Allariz unha área industrial», explicou o presidente provincial, avanzando a cooperación da Deputación coa creación dunha nova área recreativa e de servizos no municipio.