Dúas traballadas vitorias relanzan aos dous equipos ourensáns na máxima competición do xadrez autonómico
12 mares 2024 . Actualizado ás 05:00 h.A cuarta xornada da Liga Galega de clubs deparou un duelo entre Club Xadrez Ourense e o potente Sanxenxo Interrías, campión da División de Honra 2023. Cos dous últimos gañadores fronte a fronte, esta vez foron os visitantes os que se impuxeron despois de máis de catro horas e media, por un axustado 2,5 a 3,5.
A vitoria ourensá válelle para desfacer o triplo empate na cabeza e volver liderar a clasificación provisional.
O outro representante provincial na máxima categoría autonómica, o Benchoshey do Pereiro de Aguiar, tamén superaba pola mínima ao Universitario de Santiago de Compostela (3,5 a 2,5) o que os sitúa nunha meritoria quinta praza, encarrilando o seu obxectivo de manterse un pouco máis na elite galega.