As catro vermellas ao Racing de Ferrol foron na primeira parte dos partidos

O Racing xa viu catro cartóns vermellos nas 27 primeiras xornadas da competición na Liga Hypermotion. As catro chegaron na primeira parte, tres delas na primeira media hora de xogo, co consecuente desgaste extra para os xogadores que prepara Cristóbal Parralo, que tiveron que afrontar moitos minutos en inferioridade, coa dificultade que implica esta desvantaxe nunha categoría tan competitiva e difícil como a Segunda División.

Os ferroláns, cun comportamento exemplar, destacados na clasificación ao Fair Play, ao Xogo Limpo, que promove a Federación Española de Fútbol, son xunto ao Huesca, Alcorcón e Real Oviedo os catro clubs da categoría que sufriron catro expulsións. Os ferroláns non son, nin moitos menos, un equipo especialmente agresivo, nin que xogue ao límite do reglamente. As catro expulsións foron severas. A última, mostrada a Álex López no partido contra o Levante, acabou acendido aos afeccionados racinguistas, que máis que en ningún outro partido protestaron polo labor do colexiado do encontro, o segoviano Germán Cid Camacho. Todo o estadio foi un clamor contra o labor do árbitro. 

JULIÁN DELMÁS

Cartón vermello no partido disputado contra o Oviedo no Carlos Tartiere. O minuto 42 o racinguista fixo unha entrada forte, na banda e o árbitro decidiu expulsalo. O colexiado do encontro, Daniel Trujillo, puxo na acta que o lateral fixera de forza excesiva na disputa dun balón, engadindo que o xogador do Oviedo necesitou atención médica, aínda que puido seguir o partido. A pesar de xogar en inferioridade en toda a segunda parte, os racinguistas salvaron un empate a un gol. 

MOI DELGADO

Expulsado no partido no campo do Espanyol. O lateral esquerdo do Racing foi expulsado por levantar en exceso o pé, nunha acción no que un dianteiro do Espanyol baixa a cabeza para intentar xogar o balón. O defensor do Racing actúa de costas, non ve chegar ao xogador do Espanyol. Era o minuto 27 de partido e os ferroláns quedaron cun menos. Ata lle expulsión o Racing fora mellor que o Espanyol, aínda que o marcador reflectía un 0-0. Tras a expulsión, cun menos, o Racing encaixou tres goles e perdeu por 3-0. O árbitro foi Alejandro Quintero. 

David CASTRO

Un penalti inexistente e un cartón vermello que o árbitro non debeu de mostrar. No partido entre o Leganés e o Racing, David Castro foi expulsado aos 29 minutos por tocar coa súa man o peito do rival. O novo árbitro asturiano Miguel González, non só pitou un penalti inexistente senón que desde o VAR chamáronlle para que fóra a visionar a xogada xa que podería haber cartón vermello. O colexiado, despois de ver as imaxes, non só se mantivo no penalti senón que lle mostrou unha vermella a David Castro. Foi unha acción escandalosa, que se moveu por todos os medios de comunicación a nivel nacional. Díxose que o árbitro asturiano, por este erro, tivo que ir dous partidos á neveira, é dicir, dúas xornadas sen pitar. O Racing empatou este encontro a dous goles. 

ÁLEX LÓPEZ

Vermella directa aos 28 minutos de xogo no partido contra o Levante. O ferrolán cometeu unha imprudencia no medio campo, nunha acción sen aparente perigo. Intentou roubar un balón e acabou co ferro da súa bota á altura do xeonllo dun rival. Con todo, máis que unha entrada forte, o ferrolán tírase e deslízase no campo e non pode frear e acaba impactando co rival. É unha acción que pode ser amarela, polo risco que asume, aínda que non foi unha entrada dura, de vermella directa, aínda que o árbitro, tras mostrar primeiro unha amarela, acode a visionar as imaxes xa que lle avisan desde o VAR e cambia a amarela pola vermella. 

O Racing quedou con dez na primeira media hora de xogo, aínda que conseguiu salvar un punto ao empatar a cero fronte aos levantinos.

Nas catro expulsións o Racing non só se viu prexudicado ao quedar en inferioridade na primeira parte do encontro senón que tamén se viu prexudicado pola sanción posterior. No caso de Álex López, o ferrolán non podre xogar o próximo partido no que o Racing visitará o Eldense, o domingo ás 14.00 horas.

Cristóbal Parralo

Cristóbal Parralo falou ao final do partido contra o Levante dos catro atopo nos que o Racing quedou cun menos nos primeiros minutos do encontro. «Levamos catro partidos nos que nos quedamos cun menos na primeira parte e amola xa que che reduce as posibilidades de gañar. Non queda outra que aceptalo e traballar como o está facendo o equipo, aínda que está claro que eu prefiro xogar con dez que con once, aínda que en tres dos catro partidos nos que xogamos en inferioridade sacásemos un empate», sinalou.

---

---

---