23 jul 2017 . Actualizado ás 05:00 h.
Co 21%, a fenda salarial alemá, unha das maiores de toda a UE, afecta tamén ás xubilacións. Na locomotora europea, as mulleres reciben de media o 47 % do que queda aos homes. Mentres que o cidadán do oeste de Alemaña embolsouse unha pensión de 1.078 euros no 2016, ou 1.171 se vivía no leste, a muller tivo que conformarse con 606 e 894 euros, respectivamente. Segundo o Ministerio de Emprego, a fenda das xubilacións sitúase no 53 %, e acada o 58 % nos estados da extinta RDA. Unha porcentaxe que leva reducíndose desde 1995 ao redor dun 0,8 % anual. «Se o Goberno non actúa, a discriminación persistirá ata dentro duns 65 anos», critica a xefa dos Verdes, Katrin Göring-Eckardt.