Será un mitin ás 11.00 horas no salón de actos de Veterinaria
24 ene 2024 . Actualizado ás 13:11 h.O presidente do Goberno e secretario xeral do PSOE, Pedro Sánchez, estará en Lugo cidade o sábado 27 «para poñer en valor as propostas de Besteiro para Galicia». Así o anunciou a número 2 da lista do PSOE pola provincia de Lugo, Lara Méndez, antes dunha visita que fixo este mércores ás instalacións de Novafrigsa. O acto será ás 11.00 horas no salón de actos de Veterinaria.
Lara Méndez destacou «a oportunidade que se abre para Galicia dun goberno liderado por un socialismo galeguista útil, con capacidade de avanzar da man dos seus sectores e da súa xente e con capacidade contrastada de xestión». E nese contexto dixo que a presenza de Sánchez este sábado en Lugo «servirá para poñer en valor as propostas do noso candidato José Ramón Besteiro para a transformación de Galicia, para sacala da inanición na que se atopa inmersa desde que o PP Goberna a Xunta».
Pedro Sánchez xa participou nas pasadas eleccións xerais nun mitin multitudinario que se celebrou no auditorio Gustavo Freire, logo de que chegase a desconvocar outro nas municipais ante unha visita a Estados Unidos. Naquel momento veu a Lugo José Luis Rodríguez Zapatero .