Detida por segunda vez en tres meses unha muller da Pobra do Brollón por un roubo nun colexio
A Pobra do Brollón
Leste ultimo roubo perpetrouse no colexio de Samos
08 feb 2024 . Actualizado ás 12:29 h.Unha veciña da Pobra do Brollón foi detida esta semana como sospeitosa de ter roubado no colexio de Samos . É a segunda vez en tres meses que é denunciada por un feito similar. A primeira vez foi por dous roubos noutros tantos colexios. Os investigadores non descartan máis detencións.
A Garda Civil cre que a muller, que ten 41 anos, entrou a roubar no colexio de Samos despois de forzar a entrada. O autor ou autores do roubo provocaron no centro escolar danos valorados en 800 euros.
Segundo a información facilitada pola comandancia da Garda Civil de Lugo, a detida xa está a ser investigada pola súa posible relación con roubos perpetrados o pasado mes de novembro noutros dous colexios. Naquela ocasión, detivérona en Rubián (Bóveda) cando levaba dúas maletas con enxoval e alimentos que os axentes consideran que fora subtraídos neses dous colexios.
A detida foi posta a disposición do xulgado que investiga este último roubo en Samos. Está investigada como sospeitosa dun delito de roubo con forza nas cousas.