O Brollón sucumbiu ante o Oural no campo municipal de Ribela por 4-2, un resultado que lle impediu dar o salto ao liderado. Este marcador fai que o cadro cementero poña pé e medio na Primeira Autonómica.
O partido foi competido, intenso e igualado, con opcións para ambas as escuadras, que demostraron a razón pola que son os mellores equipos do grupo sur da Segunda Autonómica.
No campo Luis Adegas, en Monforte, o Lemos B e o Sporting Lucense repartíronse os puntos (0-0), igual que sucedeu no campo de Catro Ventos entre o Carballedo e o Chantada B (2-2).
Este domingo complétase a xornada desta Segunda Autonómica cos seguintes partidos: San Roque-Paradela, Palas -Ferreira e Quiroga-SD Becerreá.
Na Terceira Autonómica xóganse estes partidos: Rubián-Taboada B, Sober-Río Sil, Lóstrego-Bóveda e Santa Comba-Páramo.