O técnico do Raio nunca perdeu contra o primeiro equipo do Celta na súa etapa como xogador
BANCADA DE RÍO
Contra o filial, na súa etapa no filial do Athletic Club, Íñigo Pérez si quedou sen puntuar nun par de ocasións
29 mar 2024 . Actualizado á 08:03 h.O actual adestrador do Raio, Íñigo Pérez, non coñeceu a derrota fronte ao Celta durante a súa etapa como futbolista. Enfrontouse tres veces aos vigueses co Osasuna, cun balance dun empate en Balaídos (1-1 o 5 de xaneiro do 2020) e dúas vitorias no Sadar (2-1 o 11 de xullo do 2020 e 2-10 o 4 de outubro do mesmo ano).
Diferente foi co filial celeste, ante o que si sufriu dous tropezos, completando o balance cunha vitoria e un empate, todos estes duelos co Bilbao Athletic. No primeiro deses duelos viuse as caras con Iago Aspas o 25 de outubro do 2008 nun partido con resultado de 0-3 para o conxunto que dirixía Alejandro Menéndez.
Como segundo adestrador, na tempada 2022/2023, a visita a Balaídos saldouse con vitoria viguesa por 3-0 (dobrete de Iago Aspas e gol en propia porta de Pathé Ciss o 11 de marzo do 2023), mentres que en Vallecas, o marcador final foi de empate sen goles.