Visitaba Balaídos co Cádiz o 26 de febreiro do 2006
26 feb 2019 . Actualizado ás 20:58 h.2006: Tal día como hoxe Eduardo Berizzo enfrontábase ao Celta en Balaídos na única vez na que o fixo como futbolista en toda a súa carreira. Como adestrador non tivo oportunidade de medirse á súa exequipo no municipal vigués, xa que tanto no Sevilla como no Athletic Club foi relevado do seu cargo antes de que chegase esa data; si o fixo co conxunto hispalense no Sánchez Pizjuán.
Naquel partido disputado un 26 de febreiro, Berizzo foi titular e completou os 90 minutos. O resultado foi de 2-0 con goles de Contreras e David Silva para o equipo que entón adestraba Fernando Vázquez. Pinto, Anxo, Sergio, Placente, Jorge Larena, De Ridder, Oubiña, Canobbio e Baiano completaron o once titular céltico. Tamén xogaron Gustavo López, Jonathan Aspas e Roberto de Souza.
Berizzo militou no Celta entre as tempadas 2000/2001 -na que chegou no mercado de inverno- e 2004/2005, cando logrou o ascenso co equipo vigués aos 35 anos. Na tempada seguinte, a última da súa carreira, militou no Cádiz, en Primeira, e foi con ese equipo co que visitou Balaídos no 2006. Anos máis tarde regresaría a Vigo como técnico do equipo entre os anos 2014 e 2017, deixando de novo pegada na afección do equipo vigués. Logo, tras dirixir a Sevilla e Athletic Club, foi seleccionador de Paraguai.