A investigación apunta a que a morte dun home no porto de Ferrol foi «accidental»
FERROL CIDADE
Os servizos de urxencia rescatárono á altura da rampla do pantalán onde se collen as lanchas que van a Mugardos
01 mares 2024 . Actualizado ás 12:53 h.O Xulgado de Instrución número 1 de Ferrol, en funcións de garda, abriu dilixencias o sobre o cadáver que apareceu este mércores flotando no peirao. Fontes desta sala precisan que xa recibiron o informe preliminar da autopsia e que «indica que se trata dunha morte accidental. No entanto, trátase do preliminar, polo que hai que agardar ao informe definitivo.
A vítima é un home que rolda os 70 anos e que puido precipitarse desde a beira pouco antes do mediodía, cando saltou a alarma. Estaba ante a rampla da zona onde se collen as lanchas que navegan con pasaxeiros ata Mugardos. Nun principio foron alertados os Bombeiros de Ferrol e policía local, pero foi finalmente o Sasemar e o 112 os encargados de rescatar o corpo da auga e agardar ao seu levantamento xudicial.
A Policía Nacional é a encargada da investigación do caso e de remitir o atestado do sinistro ao xulgado de garda. O achado do corpo causou moito balbordo na zona do peirao, onde había moitas testemuñas este mércores ao mediodía.