Dous veciños de Ferrol e dous das Pontes, investigados por furtos reiterados de gasoil en coches e camións no polígono de Vilar do Colo
FENE
A Garda Civil localizou seis garrafas de 25 litros de combustible no maleteiro, xunto aos vehículos dos que o extraeron
19 abr 2024 . Actualizado ás 04:29 h.Dous veciños de Ferrol e dous das Pontes foron sorprendidos con seis garrafas de gasoil duns 25 litros cada un no coche, no polígono industrial de Vilar do Colo, en Fene , xusto despois de que alguén alertase ao posto da Garda Civil de Fene dun posible furto deste combustible en vehículos que estaban aparcados neste parque empresarial.
Tras a chamada telefónica recibida no cuartel de Fene, desprazáronse ata o polígono unha patrulla deste posto e outra do de Pontedeume . Unha vez alí, observaron que un vehículo estacionado nas inmediacións do aparcadoiro onde se efectuaron os furtos arrincaba e, algo máis adiante, detíñase para recoller a tres persoas que portaban seis garrafas de plástico cheas, que introduciron no maleteiro do automóbil.
Os axentes deron o alto ao turismo, identificaron aos seus ocupantes e comprobaron a mercancía que transportaban, as garrafas de combustible cuxa procedencia non puideron xustificar. A investigación da Garda Civil permitiu solicitar evidencias que relacionaban ás catro presentas con outros tres furtos de gasoil en camións, rexistrados con anterioridade na mesma zona. Os catro están acusados dun delito de furto continuado. A Benemérita incautouse do combustible localizado.