Aplícanse as medidas contra a couza guatemalteca a Barallobe e Maniños
28 feb 2024 . Actualizado ás 04:14 h.Dúas parroquias de Fene ven afectadas pola prohibición de plantar patacas por parte da Xunta de Galicia, como zonas demarcadas pola presenza da praga da couza guatemalteca. Trátase de Barallobre e Maniños, tal e como publicou onte o Diario Oficial de Galicia (DOG) por resolución da Consellería do Medio Rural.
Esta medida tómase para evitar a expansión de de a praga de corentena Tecia solanivora povolny neste tubérculo. Na parroquia de Barallobre afecta o lugar de Santiago, e en Maniños a San Salvador. A maiores, mantense a prohibición de plantar patacas nas parroquias da Pedra (Cariño) e San Xurxo de Moeche (Moeche).
Os agricultores das novas zonas afectadas terán que declarar as existencias de patacas almacenadas na oficina rural máis próxima, nos lugares establecidos ou por sede electrónica da Xunta, co código de procedemento MR465B. O prazo para presentar esta declaración será de 20 días hábiles, contados a partir do día seguinte á publicación no DOG. Esa pataca será retirada polos servizos oficiais para a súa destrución. Os titulares terán que desinfectar as instalacións.
Zona tapón
Son zonas tapón varias parroquias das Somozas, Cabanas, Cariño, Cedeira, Fene, Moeche, Mugardos e San Sadurniño. Aquí todas as parcelas cultivadas deben comunicarse despois de seméntaa.