A rondalla celebra estes días o quinto aniversario da súa creación
18 abr 2024 . Actualizado ás 23:33 h.O actor Javier Gutiérrez é desde o pasado mércores o padriño honorífico da Rondalla Só Elas, que conmemorou esta semana o seu quinto aniversario, precisamente no mesmo marco onde por primeira vez actuou fai agora un lustro, o teatro Jofre. Co recinto abarrotado, a Rondalla interpretou temas do seu repertorio ante a presenza dun público entregado desde o principio da celebración. No acto participou o alcalde, José Manuel Rey, que destacou que Só Elas é unha formación que «contribúe singularmente na renovación e modernización da festa das Pepitas ». Pola súa banda, Javier Gutiérrez, arroupado por todos os padriños da rondalla, quedou encantado da acollida das súas afilladas que lle dedicaron unha versión especial da canción Este é o momento, composta por Coque Malla e que forma parte da banda sonora da película Campións, unha das protagonizadas polo ferrolán. Tras o acto do Jofre, Javier participou na festa de aniversario que a rondalla e todos os padriños celebraron no café Sevilla onde fai xa máis de cinco anos prendeu a semente que deu orixe á singular e alegre agrupación.ra o próximo 4 de maio os 50 anos de presenza en Caranza.