O Diario Oficial de Galicia do luns publicou unha resolución da Dirección Xeral de Recursos Humanos pola que se procedeu ao nomeamento de tres novos pediatras na zona. Neste caso trátase de José Anxo Caballero Gil, que pasará a desempeñar o seu labor de especialista no centro de saúde de Lalín na quenda de tarde, co que se cumpre unha reivindicación e unha demanda dos veciños da zona. A el súmanse outros dous pediatras. A doutora Susana Rujido Freire incorporarase ao persoal dos centros de Silleda e Vila de Cruces en quenda de mañá.
E a terceira é a doutora Ana Carniceiro Iglesias da área sanitaria de Pontevedra-O Salnés, que desempeñará o seu labor como pediatra de Atención Primaria nos centros de saúde da Lama, Cerdedo-Cotobade e Ponte Caldelas en quenda de mañá.