O CD Lalín abre as encontros dos oitavos de final da Copa Deputación de Pontevedra
DEZA
Esta semana Santa as comarcas terán varias racións de fútbol. Será nos oitavos de final da Copa Deputación de Pontevedra - Rías Baixas. En liza quedan cinco equipos, dos que catro coñeceron os seus horarios para pelexar o pase aos cuartos de final da competición rexional.
O primeiro en xogar será o Club Deportivo Lalín, que se medirá o martes 26 de marzo ao Campañó a partir das 21.00 horas. O partido será no campo de Agüeiros. A seguinte eliminatoria disputaraa a Escola de Fútbol base Terra de Montes de Forcarei. Será o mércores 27 ás 21.30 horas contra o Villalonga. O conxunto do Salnés é o gran favorito para levar o torneo, sendo líder destacado do grupo Sur de Preferente.
O xoves 28 dispútanse outros dúas cruces. O Vexa recibirá en San Martiño ao Céltiga (17.00 horas). O rival, da Illa de Arousa, é o segundo da Preferente Sur. Aínda sen confirmar horario, o Sport Team A Estrada medirase á Ponte Arnelas a domicilio. Para rematar, o Laro recibirá en casa ao San Adrián o mércores 3 de abril (21.00).