Así foi o intento de aterraxe frustrada en Alvedro dun avión privado no medio da borrasca Karlotta

Os refachos de vento de máis de 100 quilómetros que deixou o xoves a borrasca Karlotta provocaron o desvío de varios voos con destino o aeroporto da Coruña. Entre eles, un avión privado que tratou de tomar terra en Alvedro despois de intentalo en Santiago de Compostela. 

Álvaro Maroto, da plataforma especializada Alvedro Voa Máis Alto, explica que é habitual que os «intentos de aterraxe sexan tan aproximados ou, mesmo, máis». Tomar terra en situacións tan adversas, depende de moitos factores, como a dirección do vento, a aeronave, o número de horas de voo da tripulación e tamén de «a velocidade dos refachos nese momento», afirma o experto.

Gracias al trabajo de las tripulaciones, la gran mayoría de vuelos han operado con normalidad. Únicamente se han registrado dos vuelos comerciales y uno privado (en el vídeo) desviados durante la jornada de hoy. pic.twitter.com/dyLR2rKOJQ

— Aeropuerto A Coruña (@aeropuerto_LCG) February 8, 2024

Así, durante o xoves si que puido aterrar ás 07:50 horas unha aeronave de Vueling na Coruña. En cambio, non o fixeron o avión privado que sae no vídeo e o IB514 e o UX7233, voos comerciais que tiveron que regresar á súa orixe, Madrid, para tomar terra. 

---

---

---