O candidato á alcaldía da Coruña realizou un percorrido ata o campus de Elviña para denunciar «as deficiencias» da ruta e aproveitou a súa visita para reunirse cos estudantes
12 may 2023 . Actualizado ás 18:06 h.Xan Xove, candidato á Alcaldía dá a Coruña pola Marea Atlántica, arrincou este venres a campaña electoral cun percorrido en bicicleta desde o centro da cidade, o Obelisco, ata o campus universitario de Elviña., «Fixemos o percorrido polo carril bici, que presenta unha serie de deficiencias, sobre todo no tramo que atravesa Someso por detrás de Espacio Coruña, co pavimento moi deteriorado, cheo de puntas oxidadas, sen iluminación en con graves problemas de seguridade. Arránxarémolo no vindeiro mandato, coa Marea Atlántica de volta no goberno municipal, escollendo A Coruña», apuntou
Ademais, Xove denunciou que aínda non exista unha estación da prestación na UDC «nin no campus de Elviña nin no da Zapateira, dificultando o uso do servizo por parte da comunidade universitaria». Por iso, comprometeuse a instalalas «no vindeiro mandato, ao igual que noutros puntos sensibles da cidade coma os hospitais». Ademais, sinalou que reforzarán o servizo de reposición de bicis «porque de pouco serve ter unha estación se a vas atopar baleira en hora punta, coma ocorre moitas veces nos barrios da contorna da rolda de Outeiro e Monte Alto».
O candidato da Marea aproveitou a visita ao campus para atoparse co exalcalde e decano de Dereito, Xulio Ferreiro. Tamén estivo acompañado de varios estudantes en o último día de aulas, «para falar con elas nos problemas da mocidade no acceso á vivenda e aos servizos públicos».
Xove visitou o campus de Elviña antes do seu primeiro acto público, unha visita ás hortas urbanas instaladas no barrio do Agra do Orzán ás 19.00 horas.
