A concelleira cede o paso tras pechar o acordo sobre a organización municipal
17 jul 2015 . Actualizado á 20:40 h.A concelleira socialista Mar Barcón anunciou que deixará o posto de portavoz do grupo municipal do PSOE tras o próximo pleno de organización municipal.
Barcón dá ese paso tras acadarse un pacto entre o seu partido e a Marea para reorganizar o Concello e decidir as retribucións da corporación e os seus asesores.
A que fose candidata á alcaldía do PSOE nas últimas municipais cumpre así o compromiso que fixo de que só sería portavoz co fin de "axudar a reorganizar" o grupo municipal, e chegar a un pacto coa Marea que lle outorgase medios suficientes para facer o seu labor de oposición.
Segundo sinalaron fontes do partido, Barcón continuará como concelleira, pero se concentrará na reorganización interna do PSOE e na preparación das próximas eleccións xerais.
O seu substituto será elixido pola executiva local do partido despois do pleno de organización, que se celebrará o martes.