O lateral ucraíno afirma estar «bastante satisfeito» co seu traballo
05 abr 2017 . Actualizado ás 14:08 h.Vasyl Kravets debutou a pasada fin de semana coa camiseta do Lugo. «Custoume bastante entrar, pero foi unha gran alegría decatarme de que ía xogar», afirma. «O ritmo de partido é máis forte en España, as transicións son máis rápidas. En Ucraína, tense máis a posesión», agrega.
Sobre a súa primeira participación coa camiseta branquivermella, Kravets sinala que está «bastante satisfeito, pero non ao cento por cento». «A idea era centrarme en defender para non conceder espazos nin cometer erros. Ao final, xoguei e gañamos, polo que a alegría é dobre», asevera.