Será o domingo 21 de abril e iniciará unha época de varias carreiras na Costa da Morte
24 mares 2024 . Actualizado ás 12:53 h.Tras pórse en marcha hai dúas semanas en Camariñas, a novena edición do Circuíto de Carreiras Populares Correndo Pola Costa, diríxese agora cara a Vimianzo. Alí parará o domingo 21 de abril cun evento que se celebrará pola mañá. Todo arrincará ás 10.30 horas coa proba de 3 quilómetros e continuará coa de 10, ás 11.00 horas. Despois será a quenda dos máis pequenos. A inscrición xa está aberta para todos aqueles que non se apuntasen ao circuíto completo. Poden anotarse na páxina web do Correndo pola Costa ata o martes 16.
Época de carreiras na zona
A proba de Vimianzo iniciará unha época de varias carreiras na zona. O 28 de abril celebrarase en Ponteceso, a cuarta Faro Roncudo. O 5 de maio tocaralle á cita do Correndo en Mazaricos. O sábado 11 de maio, en Cerceda volve organizarse «Vos 11 dás Vías». Maio concluirá, o 25, coa carreira de Dumbría, tamén adherida ao circuíto comarcal.