Web series de 11 países participarán na sección oficial do Carballo Interplay
CARBALLO MUNICIPIO
Este festival de contidos dixitais celebrarase a semana que vén
27 mares 2024 . Actualizado ás 05:00 h.Web series do Canadá, Arxentina, China , Francia, República Checa, Colombia, Korea, Dinamarca, Australia ou Kazajstan, ademais de Galicia (19 en total), participarán na sección oficial do Carballo Interplay, festival de contidos dixitais que se desenvolverá do 4 ao 7 de abril na capital de Bergantiños. Proxectaranse en bloques segundo a temática que aborden e poderán aspirar aos premios de mellor serie (800 euros) e mellor dirección (200), outro premio outorgado por un xurado novo (400) e un cuarto galardón que decidirá o público (400). Entregaranse o domingo ás 12.30.
Outro apartado da amplísima programación do festival está reservado para os proxectos que se presentan ao Premio á Produción de Contido Dixital en Galego. Os catro que chegaron á final presentaranse para aspirar a un premio en metálico que permitirá a produción do proxecto. A peza gañadora da pasada edición, «A moza que abortou e o contou», de Eire Cid e Rosalía Quiroga, será proxectada durante o festival.