Máis de 30.000 euros en axudas para catro entidades deportivas da Costa da Morte
CARBALLO / LA VOZ
CARBALLO
É unha liña que concede a Deputación provincial
19 abr 2024 . Actualizado ás 05:00 h.A Deputación provincial destina 31.220 euros a catro entidades deportivas da Costa da Morte para financiar gastos en material e equipamento para desenvolver a súa actividade. Os beneficiarios son os seguintes clubs: Salvamento Acuático Laracha (10.200), Tiro Olímpico Laracha (11.000), Náutico de Muxía (4.900) e Rítmica Carballo (5.120).
As axudas desta liña superan en total o medio millón de euros na Coruña. Son 3.725.000 euros do Goberno coruñés dedicados este ano ao deporte, segundo lembrou o deputado da área responsable, Antonio Leira.