A cita carballesa estivo animada, a pesar do mal tempo
11 mar 2024 . Actualizado á 05:00 h.Xusto un minuto antes de comentar as súas impresións sobre a Feira dás Oportunidades, onte pola tarde, Germán Riveiro, presidente do CCA, entidade organizadora acababa de vender na súa tenda Zocas unhas zapatillas de 80 euros por 9,95. Toda unha ganga, aínda que non fosen de tempada. E como esta, outras moitas na súa tenda e nas outras 19 baixo a carpa.
Germán estaba satisfeito. O venres, novidade, foi ben. O sábado, moi ben, e onte tiña boas impresións. Foi curioso ver, sempre nas aperturas, colas de xente esperando. «Había moitas ganas de mercar a bos prezos», sinala. En Refugallo Zero, a responsable estaba satisfeita «pola xente e polas vendas».
En Modas Suárez, o mesmo. «O sábado, moi moi ben. E mercouse moito», dixo. En Jorge Moda, igual: «O sábado foi o mellor con diferenza». Sobre se a influencia da choiva é boa ou mala para esta actividade, depende. Para os que estaban fóra, postos infantís incluídos, a auga non axuda nada.