Persoal disposto a formarse e con capacidade de adaptación, o perfil que buscan as empresas afincadas en de o Baixo Ulla
CATOIRA
O auditorio de Catoira acolleu onte un encontro entre empresarios da comarca e participantes no programa de emprego
07 mares 2024 . Actualizado ás 05:00 h.O programa integrado de emprego no que participan un centenar de persoas dos municipios de Catoira, Padrón, Valga , Rois, Pontecesures e Dodro xa está en marcha. Este mércores, as persoas inscritas no mesmo puideron participar, no auditorio de Catoira, nun encontro ao que foran invitadas as responsables de emprego en firmas como Finsa, Estaleiros do Ulla, Ana Muñiz, Friscos, STAC ou FESBA, todas elas empresas asentadas na comarca.
O obxectivo do encontro, no que participaron o alcalde de Catoira, Xoán Castaño, e o de Dodro, Francisco Xabier Castro, era establecer un primeiro contacto entre os potenciais empleadores e as persoas que se están formando. As empresas aproveitaron para «explicar cales son as súas actividades e características propias, os perfís profesionais que buscan para cubrir os seus planteis, así como as diferentes modalidades dos seus procesos de selección de persoal, que nuns casos realizan a través de empresas de traballo temporal pola súa carga temporal, e noutros recibindo directamente currículos», segundo explican desde o Concello viquingo.
As empresas destacaron o seu interese por ». «contratar xente da zona de moi diferentes característicasPero sempre «con iniciativa». Búscase persoal capaz de manexar carretillas e de realizar operacións industriais ou informáticas, entre outras moitas cousas. Pero, sobre todo, búscanse, dixeron en Catoira, «persoas dispostas a formarse nos procesos de produción específicos de cada empresa e abertas a cambios e á innovación debido ás continuas modificacións nos sistemas produtivos». Segundo sinalaron, en moitos casos non se necesitarían «coñecementos nin experiencia previa no sector a traballar, xa que se lles fornece de preparación personalizada ao chegar á empresa».
Todos estes asuntos foron abordados no marco do programa de emprego, que ten como finalidade «facilitar que a veciñanza consiga un posto de traballo poñéndoa en contacto coas principais firmas do sector no territorio». No devandito programa participan ao redor dun centenar de persoas que reciben orientación laboral, formación, unha axuda de dez euros por cada xornada de asistencia ás actividades... Ademais, «pasarán a formar parte dunha bolsa de emprego, podendo realizar prácticas non laborais en empresas».