O pavillón acolleu esta mañá o festival do Encontro da Francofonía
07 may 2024 . Actualizado ás 15:32 h.En Vilanova falaron e cantaron hoxe en francés. Foi a propósito do Encontro da Francofonía que se celebra desde hai anos co fin de promover o estudo deste idioma nos institutos. Nesta ocasión reuniu a ao redor de 2.000 estudantes procedentes de 22 institutos de Galicia, entre eles os dous de Vilanova e o de Carril, e, como sempre, pendente de todo estivo a profesora Nieves Vecilla que, a pesar de estar xubilada, segue ao pé do canón. Esta mañá, cando arrincaba o festival no pavillón, agradecéronllo cun ramo de flores que ela recibiu entre bágoas de emoción.