Haberá clases maxistrais, concertos e pecha o programa o 27 de abril o Festival de Bandas de Música
19 mares 2024 . Actualizado ás 13:40 h.Meaño celebra o Mes da Música con oito citas no calendario que se abre este domingo coa final do decimotercer concurso Novos Intérpretes Jorge Domínguez, ás 19.30 horas no centro social de Dena e continúa os días 25, 26 e 27 de marzo con masterclass de clarinete, saxofón e violoncelo. Abril arrinca co Festival de Bandas Infantís e Xuvenís, o domingo día 7 ás 17.30 horas na Praza Nova de Dena, e continúa o 13 cun audición de conxuntos instrumentais a cargo da escola municipal de música; o día 14 celebrarase un concerto infantil, ás 18.30 horas na praza do Concello con Susa Herrera e co Consertasso de Brais dás Hortas; o sábado 20 ás 19 horas no centro social de Dena haberá un concerto de oboe e piano a cargo de José Ignacio García e Miguel Fontenla; o domingo 21 de abril terá lugar o Encontro de Voces Brancas e o 27 de abril a partir das 17.30 horas na praza do Concello celebrarase o Festival de Bandas de Música de Meaño.