O Obradoiro renovou os adestramentos con toda a atención posta xa no Andorra
30 abr 2024 . Actualizado ás 21:39 h.O Monbus Obradoiro renovou os adestramentos despois dunha xornada de descanso, con toda a atención posta xa no partido deste sábado en Sar fronte ao Andorra.
A mellor noticia para Moncho Fernández é que tanto Janis Timma, que non puido xogar nos dous últimos encontros polas súas molestias nas costas, como Rubén Guerrero , que levou un forte golpe no nariz e xa non volveu á pista no WiZink Center, exercitáronse co grupo. No caso do pivote andaluz, cunha máscara para protexer a zona danada.
Rigoberto Mendoza recupérase dun proceso vírico agudo, que cursou con febre e obrigoulle a gardar cama a fin de semana. Estivo en Sar, pero fixo traballo individual. Está previsto que se reintegre paulatinamente.
Jean Montero
O Andorra chegará a Sar coa salvación matematicamente asegurada despois de arroiar ao Barcelona. E estará liderado por Jean Montero, que acaba de revalidar o título como mellor xogador novo da ACB nunha votación na que participaronn os capitáns e adestradores dos dieiciocho equipos da Liga Endesa, representantes dos medios de comunicación e os afeccionados. O base dominicano impúxose cunha clara vantaxe sobre os demais aspirantes, xa que recibiu o 81 % dos votos.
Desde que se instituyó a elección do mellor xogador novo da ACB a lista de gañadores recolle un selecto grupo de nomes propios. Estreouna Guillem Vives e seguíronlle Dani Díez, Juancho Hernangómez, Luka Doncic en dúas ocasións, Carlos Alocén noutras dúas, Usman Garuba e Joel Parra.