A contía correspóndese co 10% da porcentaxe das vendas que realizou ata o momento de exemplares do seu libro
21 abr 2016 . Actualizado á 05:00 h.Tomás Marqués Villar, autor do libro As reflexións de Tomi, cumpriu co anunciado e fixo a achega económica prometida á sociedade protectora de animais de Foz. En días pasados realizou unha transferencia bancaria por importe de 260 euros.
A contía correspóndese co 10% da porcentaxe das vendas que realizou ata o momento de exemplares do seu libro, do que editou na primeira tirada 500. O autor pretende contribuír desta forma cunha causa solidaria.
Desde a sociedade protectora focense aplaudiron esta nova contribución cidadá: «Queremos agradecer esta iniciativa e que unha vez máis se pensase na nosa protectora para axudarnos».
A comezos de mes, o autor do libro confirmaba a La Voz que outra parte dos ingresos pola venda do libro -concretamente outro 10%- destinaríaos a outra causa solidaria, á Asociación Galbán, de familias con nenos con cancro de Asturias.