¡Por só unha décima! Víctor Senra gaña o Rali da Coruña por un suspiro despois de 90 quilómetros cronometrados
MOTOR GALEGO
O piloto de Dumbría dá a volta á xeral e arrebatar o primeiro posto a Iago Caamaño no último tramo dunha carreira apaixonante
29 feb 2020 . Actualizado ás 23:34 h.Víctor Senra e Iago Caamaño protagonizaron un final de infarto.
Así viviu Iván Ares o rali da Coruña
O equipo de Víctor Senra e David Vázquez decidiu rápido e ben. Quedaban tres tramos por diante.
O piloto de Dumbría logrou arrebatarlle o primeiro posto a Iago Caamaño no último suspiro e por só unha décima de diferenza na xeral. ¡Vaia final de proba!
O rali deixou momentos para o recordo unha vez que caeu a noite, como este trompo na rotonda de Boedo
Víctor Senra chega ao control stop que valora negativamente a carreira polos problemas mecánicos que sufriu durante o rali. Achaca á elección de pneumáticos ao motivo da súa mala carreira.
De novo apertou o acelerador o piloto de Dumbría, pero non o suficiente. Aínda que marcou o tempo máis rápido neste tramo de Cerceda cun tempo de 7:05.251, na xeral sitúase a 12 segundos de Caamaño de cara ao último tramo desta proba. Así quedou a clasificación do tramo:
1. Víctor Senra 7:05.251
2. Alberto Meira 7:06.757 +1.506
3. Iago Caamaño 7:09.254 +4.003
4. Óscar Palacio 7:14.731 +9.480
5. Luis Vilariño 7:26.822 +21.571
Case de noite e con choiva arrincará o penúltimo tramo deste rali coa pelexa entre Caamaño e Senra. Todo por decidir e nós estaremos aí para contarcho.
Así está a xeral na Copa Pirell Top Ten B:
1. David Rivas 50:01.831
2. José Manuel Pazos 50:26.200
3. Daniel Álvarez Rivas 50:37.605
Esta rotonda no tramo entre Culleredo e Arteixo foi a delicia de moitos espectadores:
Recorta distancias notablemente Víctor Senra neste tramo e sitúase a 11 segundos do líder, Iago Caamaño, a falta de dous tramos. Así está a xeral:
1.Iago Caamaño 46:28.625
2. Víctor Senra 46:39.947 +11.322
3. Alberto Meira 47:09.939 +41.314
4. Alberto Otero 47:11.024 +42.399
5. Óscar Palacio 47:21.640 +53.015
6. Luis Vilariño 48:34.480 +2:05.855
Como era de agardar, Víctor Senra apertou o acelerador cun tempo de 7:44.825. Alberto Otero foi o segundo cun tempo de 7:52.411. Así quedou a clasificación deste tramo de Aranga:
1. Víctor Senra: 7:44.825
2. Alberto Otero: 7:52.411
3. Iago Caamaño 7:52.818
4. Alberto Meira 7:58.177
Xa chegaron ao control stop os primeiros pilotos. Á espera dos tempos oficiais para coñecer como marcha a pelexa entre Iago Caamaño e Víctor Senra.
Tan só o coche 0 tomou a saída. Uns dez minutos de atraso con respecto á hora fixada.
Lembrámosvos como é o tramo de Aranga polo que os pilotos farán a terceira e última pasada en breves minutos.
A avaría que sufriu na panca de cambios do seu Skoda Fabia na segunda pasada entre Culleredo e Arteixo. Tras o reagrupamiento, Víctor Pérez, xefe do seu equipo confírmanolo:
Ás 18.01 está previsto que arrinque a terceira sección deste Rali da Coruña, coa terceira pasada de Aranga. Pouco máis de 11 quilómetros por diante para gozar da velocidade de Iago Caamaño e veremos que ocorre con Víctor Senra e os seus problemas problemas coa caixa de cambios do seu Skoda Fabia.
E tras o descanso actualizamos os Supercampeonatos. Así está o R5 Recalvi:
- Iago Caamaño
- Víctor Senra
- Alberto Meira
E o N5 tras a baixa de Antonio Fernández Valcarcel:
- Jorge Pérez Oliveira
- Celestino Iglesias
Finaliza a segunda sección do Rali da Coruña. Caamaño arrebátalle o liderado a Senra e ponse a case 20 segundos. Alberto Meira é terceiro a 36. Reagrupamiento ata as 18.01, cando terá lugar a terceira e última pasada aos tres tramos.
¡Óscar Palacio mellora o tempo de Caamaño! O asturiano marcou un tempo de 4:51.328 e saca ao de Culleredo +0.713. ¡leva o scratch Palacio!
¡Scratch para Caamaño! O de Culleredo é o novo líder da xeral tras os problemas de Víctor Senra coa súa panca de cambios. 19.315 segundos perde o de Dumbría que cae á segunda praza. Alberto Meira, terceiro a +35.955
Problemas para Víctor Senra. O R5 do piloto de Dumbría sofre unha rotura na panca de cambios. Veremos cantos segundos perde neste tramo e se pode arranxalo no reagrupamiento.
Accidente de Antonio Fernández Valcarcel e Alejandro López Fernández, que chocaron contra un piñeiro. O tramo de Cerceda, paralizado durante uns minutos, retómase con normalidade tras sacar coche e árbore da calzada. Segue a carreira
Mellor tempo para Iago Caamaño en Cerceda con 6:44.302. Meira e Senra, segundo e terceiro a +3.482 e +4.445. O de Culleredo recorta as distancias co de Dumbría na xeral e está a +4.354 do líder.
Polémica decisión dos comisarios, que establecen os tempos dos que non puideron completar o tramo de Aranga coa referencia do último que si puido, Luis Vilariño a +17.205 de Iago Caamaño. Alberto Meira escala dúas posicións na táboa e supera a Óscar Palacio e Alberto Otero.
- Víctor Senra 26:50.665
- Iago Caamaño +8.799
- Alberto Meira +40.881
- Alberto Otero +42.815
- Óscar Palacio +45.725
O tramo de Aranga queda neutralizado tras o accidente de Costa. O pelotón foi desviado por outro percorrido e uniranse aos que si puideron rematar no percorrido de Cerceda. A saída está prevista para as 14.24 pero pode atrasarse debido ao reagrupamiento. Tamén haberá que agardar para saber que pasa cos tempos dos participantes.
Ricardo Costa e Rui Vilaça foron trasladados ao hospital en ambulancia tras o accidente sufrido co seu R5. O portugués saíu dolorido do peito e a cabeza tras o choque e por precaución faranlles un recoñecemento no centro médico.
Neutralizado o tramo de Aranga polo accidente de Ricardo Costa
Accidente de Ricardo Costa neste tramo de Aranga, que queda cortado tras o envorco do coche do portugués. Está a ambulancia na zona pero parece que tanta Costa como o copiloto Rui Vilaça están ben.
¡Scratch para Iago Caamaño! O coruñés fai o mellor tempo na segunda pasada ao tramo de Aranga, seguido de preto por Víctor Senra e Alberto Meira, a +4.588 e +6.475.
Todo a punto para que dea comezo a segunda sección. Os coches están listos para a segunda pasada ao primeiro tramo, o de Aranga. Lembramos: Senra lidera a clasificación, con Caamaño e Otero en segundo e terceiro posto.
Completada a primeira sección do Rali da Coruña, facemos resumo de como vai a clasificación das Copas.
-Pirelli Driver Top Ten A
- Víctor Senra
- Iago Caamaño
- Alberto Otero
-Pirelli Top Ten B:
- David Rivas
- José Manuel Pazos
- Daniel Álvarez
-Volante F.G.A.
- Jorge Garnelo
- Diego González
- Alejandro Castro
-Pirelli AMF MS
- Sergio Otero
- José Ramón Domínguez
- Óscar Galego
Xa van dez abandonos.
Por se vos perdestes o directo do tramo de Cerceda, aquí deixámosvos o vídeo do mesmo:
Repasamos a clasificación de R5 Recalvi:
- Víctor Senra
- Iago Caamaño
- Alberto Otero
E de N5 RMC:
- Antonio Fernández
- Jorge Pérez
- Celestino Iglesias
¡Terceiro scratch da mañá para Víctor Senra! O piloto de Dumbría lidera a clasificación do rali da Coruña tras a disputa da primeira pasada dos tres tramos do circuíto. Ricardo Costa e Óscar Palacio, segundo e terceiro no tramo de Culleredo-Arteixo.
Os coches xa se dirixen cara á saída do terceiro tramo, que discorrerá por Culleredo e Arteixo e polo momento o Supercampeonato de R5 Recalvi segue igual:
- Víctor Senra
- Iago Caamaño
- Alberto Otero
Cambios no N5, Celestino Iglesias escala unha posición:
- Antonio Fernández
- Celestino Iglesias
- Jorge Pérez
Cando remate a primeira pasada por todos os tramos faremos un resumo de como van as copas.
- Víctor Senra 14:17.927
- Iago Caamaño +7.544
- Alberto Otero +25.268
- Óscar Palacio +29.476
- Alberto Meira +34.520
¡Novo scratch para Víctor Senra que se fai tamén co tramo de Cerceda!
Primeiro susto do día. Jacobo Segade e Adrián Muñiz saíronse de pista e chocaron contra un poste da luz. Ambos están ben por sorte.
Así van os supercampeonatos tras a primeira pasada ao tramo de Aranga. O R5 Recalvi:
- Víctor Senra
- Iago Caamaño
- Alberto Otero
E no N5 RMC:
- Antonio Fernández
- Jorge Pérez
- Celestino Iglesias
Primeiro abandono da carreira. Perfecto Calviño non poderá disputar a proba por unha avaría no embrague do seu R5.
«Sucio e complicado». Así definen a maioría dos pilotos o primeiro tramo de Aranga.
¡Scratch para Senra na primeira pasada a Aranga! O de Dumbría marcou un tempo de 7:37.208. O coruñés Iago Caamaño, segundo a +1.601 e Alberto Otero a +14.580. Mal inicio de Alberto Meira, que se descolga e ponse a +22.640 de Senra.
¡Empeza o Campionato Galego! ¡Empeza o rali da Coruña! Son as 8.51 e sae o primeiro dos coches en Aranga. ¡Nuns minutos teremos o primeiro scratch do día!
Mentres, deixámosvos o vídeo en vivo da presentación de onte na praza de María Pita.
¡Bos e chuviosos días amantes do motor! En apenas media hora dará comezo o Rali da Coruña, a primeira proba do Campionato Galego, e a borrasca Jorge fará que sexa necesario sacar o paraugas. Nestes momentos os coches diríxense ao momento de saída do primeiro tramo, Aranga. Estade atentos porque, en breve, ¡empezamos!
Fin á cerimonia de saída. María Pita vestiuse de gala e os equipos desexáronse sorte para mañá. Lembrade que ás 8.51 horas arrinca a primeira pasada polo primeiro tramo: Aranga Recalvi (outras pasadas ás 13.11h e 18.01h). Despois, agardan Cerceda Despeces a Coruña (10.04h, 14.24h e 19.14h) e Culleredo-Arteixo Galuresa (con pasadas ás 10.55h, 15.15h e 19.55h).
Cada bucle pecharase co tramo de Culleredo-Arteixo. Un ano máis, a rotonda de Boedo protagonizará os momentos máis intensos do rali.
Tras os tramos, a praza de María Pita espera aos equipos ao redor das nove da noite para celebrar a entrega de premios e o podio final sobre as dez menos cuarto da noite.
Tras o primeiro paso por Aranga, os equipos terán que enfrontarse ao tramo de Cerceda, bordeando o lago das Encrobas.
Aranga será o primeiro destino. Desde alí partirá o primeiro tramo cronometrado, cuxa primeira pasada se celebrará ás 8.51 horas. Punto xa icónico do rali coruñés é Ponche Aranga e a propia casa consistorial.
O Rali da Coruña dá o pistoletazo de saída á tempada 2020 do Campionato Galego. Este venres ten lugar a presentación oficial no parque pechado de María Pita.
Durante toda a xornada a chaira do Palacio dos Deportes de Riazor acolle as verificacións técnicas e administrativas. E despois da burocracia, a caravana de bólidos desprázase ata a praza de María Pita, na que se inaugurará oficialmente a tempada 2020 nos ralis galegos.
Posteriormente e a medida que se vaian presentando os equipos, o elenco de participantes volverá percorrer as rúas da Coruña ata polígono de Vío, onde permanecerán as máquinas á espera da gran xornada deste sábado.
Iago Caamaño é un dos favoritos na pugna polo campionato galego. Ten claro que o seu punto preferido é a baixada cara a Ponche Aranga. «O ano pasado subías e curvabas cara á dereita, pero este ano hai unha variante e vés dunha pista. Esa baixada ata a ponte é brutal. Vas a fondo entre as casas en quinta cortando. Iso é só para algúns valentes. Eu vou intentalo», relata.
Un dos pilotos que máis ejemplifica este plus emocional é José Lista. «Eu tiro para casa, que vos meus avós naceron en Loureda e eu non centro de Arteixo», resume antes de sinalar a glorieta de Boedo como o seu punto preferido da carreira.
Santi García prefire o final do tramo de Aranga, «unha subida rápida e rota, moi técnica e bastante sucia, polo que haberá que ir con coidado de non picar». «Gústanme vos tramos deste ano, e se chove será máis impredicible, pero ó menos dependerá máis do piloto... nunca se sabe», analiza.
Este ano o rali coruñés estreará formato, acorde coa nova regulamentación da Federación Galega de Automobilismo: tres tramos a tres pasadas. A escuadra organizadora, One Seven Racing (con Álvaro Muñiz á cabeza), dá forma deste xeito a unha vella proposta súa para facer máis atractivo un dos ralis máis queridos do calendario autonómico.
