Coñeces a versión galega da piña coada?

Co verán inaugúrase a tempada oficial de cócteles. E tendo en conta que en Galicia gozamos dun amplo ramallete de bebidas espirituosas, é un bo momento para reinventar clásicos do minibar con produtos da comunidade. Como sucede coa sangría, que cada vez empeza a ser máis habitual preparala con caldos locais, hai bebidas exóticas ás que tamén se lles pode pór a boina.

Nesta ocasión imos vestir con traxe rexional a piña coada. Para iso, imitaremos a versión que preparou o alumno da escola de hostalería Carlos Oroza, Jonathan Couto Padín, xunto con Adegas Marqués de Vizhoja, e que resultou premiada como mellor combinado no I Concurso de Coctelería da devandita escola. O éxito radica, en boa medida, no augardente de bagazo d'Vizhoja PREMIUM.

A orixe da receita orixinal deste cóctel portorriqueño non está do todo claro. Atribúeselle, por unha banda, ao hotel Hilton de San Xoán, onde parece ser que en 1954 inventouse esta mestura, pero tamén ao restaurante Barrachina (tamén na capital de Porto Rico). Neste local reivindican a súa autoría e adxudícanlla á o barman español Don Ramón Portas Mingot.

*Goza dun consumo responsable 40%vol Augardente de Bagazo d´Vizhoja